លើកតម្កើងសម្រស់វប្បធម៌របស់ជនជាតិភាគតិច

កប.អនឡាញ - ក្នុងប៉ុន្មានថ្ងៃនេះនៅទីក្រុង Lai Chau (ខេត្ត Lai Chau ភាគខាងជើងវៀតណាម) ប្រជាជន និងភ្ញៀវទេសចរជាច្រើនមានឱកាសបានសប្បាយ រីករាយជាមួយបរិយាកាសដ៏វិសេសវិសាលក្នុងពិធីបុណ្យវប្បធម៌របស់ជនជាតិដែលមានចំនួនប្រជាជនតិចជាង ១០,០០០ នាក់នៅឆ្នាំ២០២៣។

នេះជាព្រឹត្តិការណ៍ដែលរៀបចំឡើងដោយក្រសួងវប្បធម៌ កីឡា និងទេសចរណ៍វៀតណាម និងគណៈកម្មាធិការប្រជាជននៃខេត្តចំនួន ១១៖ ខេត្ត Lai Chau ខេត្ត Cao Bang ខេត្ត Thai Nguyen ខេត្ត Dien Bien ខេត្ត Ha Giang ខេត្ត Lao Cai ខេត្ត Yen Bai ខេត្ត Tuyen Quang ខេត្ត Nghe An ខេត្ត Quang Binh និងខេត្ត Kon Tum។ ពិធីបុណ្យនេះមានការចូលរួមពីតំណាងជនជាតិចំនួន ១៤ រួមមាន ជនជាតិ Brau ជនជាតិ Ro Mam ជនជាតិ O Du ជនជាតិ Si La ជនជាតិ Pu Peo ជនជាតិ Bo Y ជនជាតិ Cong ជនជាតិ Co Lao ជនជាតិ Lo Lo ជនជាតិ Mang ជនជាតិ Lu ជនជាតិ Pa Then ជនជាតិ Chut និងជនជាតិ Ngai។

ក្រោមប្រធានបទ “អភិរក្ស ពង្រីក និងផ្សព្វផ្សាយអត្តសញ្ញាណវប្បធម៌ប្រពៃណីរបស់ជនជាតិភាគតិច” សិប្បករ និងអ្នកចម្រៀងមកពីជនជាតិដែលមានប្រជាជនតិចជាង ១ ម៉ឺននាក់បានចូលរួមក្នុងសកម្មភាពពិសេសៗដូចជា៖ ពិធីបុណ្យសិល្បៈមហាជន ការបង្ហាញសំលៀកបំពាក់ប្រពៃណីជនជាតិ ការបង្ហាញរបរប្រពៃណី ការសម្តែងនិងណែនាំអំពីពិធីបុណ្យ និងសកម្មភាពវប្បធម៌ប្រពៃណី បង្ហាញនិងផ្សព្វផ្សាយវប្បធម៌ប្រពៃណីនៅមូលដ្ឋាន ឧទ្ទេសនាមអំពីម្ហូបអាហារ...

បកប្រែដោយ Thanh Cong

ຂ່າວທີ່ກ່ຽວຂ້ອງ

• ការពាររឹងមាំព្រំដែន ដែនអាកាស​ សមុទ្រនិងកោះនានានៃមាតុភូមិ