ក្រុមអ្នកជួសជុលយុទ្ធោបករណ៍នៃកងទ័ពប្រជាជនវៀតណាមខិតខំប្រឹងប្រែងហ្វឹកហាត់នៅលើវាលខ្សាច់នៅអ៊ីរ៉ង់

កប.អនឡាញ - ជាមួយនឹងការប្តេជ្ញាចិត្តថានឹងទទួលបានមេដាយក្នុងការប្រកួត ក្រុមអ្នកជួសជុលយុទ្ធោបរណ៍នៃកងទ័ពប្រជាជនវៀតណាមនៅពេលមកដល់ទីលានហ្វឹកហាត់របស់ប្រទេសម្ចាស់ផ្ទះអ៊ីរ៉ង់បានហ្វឹកហ្វឺនយ៉ាងសកម្ម និងជំនះរាល់ការលំបាក ទាំងអាកាសធាតុមិនអំណោយផលនៃវាលខ្សាច់ ទាំងភាពខុសគ្នានៃពេលវេលា រួមទាំងភាពខុសគ្នានៃវប្បធម៌ និងម្ហូបផងដែរ។

នៅការប្រកួតកីឡាយោធាអន្តរជាតិ ឆ្នាំ២០២១ ក្រុមនឹងចូលរួមប្រកួតក្នុងវិញ្ញាសា “អ្នកជួសជុលយុទ្ធោបករណ៍ពូកែ” ដែលមានខ្លឹមសានានារួមមាន៖ ការប្រកួតជួសជុលកាំភ្លើងធំ ១២២ មិល្លីម៉ែត្រ ការប្រកួតជួសជុលកាំភ្លើង PK Zu23  ការប្រកួតជួសជុលកាំភ្លើងធំ BM21 និងការប្រកួតជួសជុលអាវុធនៃកងទ័ពថ្មើរជើង។

កាសែតកងទ័ពប្រជាជនអនឡាញសូមផ្សាយជូននូវរូបភាពមួយចំនួនៗស្តីពីការហ្វឹកហ្វឺនរបស់ក្រុមនៅប្រទេសមិត្តមុនថ្ងៃប្រកួត។

បកប្រែដោយ Duy Hoan