លោក Bui Van Cuong អគ្គលេខាធិការរដ្ឋសភា ចូលរួមសម័យបើកសន្និសីទ ASGP

សន្និសីទនេះមានខ្លឹមសារជាក់ស្តែងជាច្រើនសម្រាប់បច្ចុប្បន្ន និងអនាគតចំពោះស្ថានប័នសេនាធិការ និងជំនួយរបស់សភា នៃប្រទេសនានា។

ទិដ្ឋភាព នៃសន្និសីទសមាគមអគ្គលេខាធិការសភាពិភពលោក

សមាគមអគ្គលេខាធិការសភា ដែលប្រជុំជាលើកដំបូងនៅទីក្រុងអូស្លូ នៅថ្ងៃទី១៦ ខែសីហា ឆ្នាំ១៩៣៩ ត្រូវបានបង្កើតឡើងជាស្ថាប័នពិគ្រោះយោបល់របស់ IPU ជាវេទិកាសម្រាប់អ្នកកាន់តំណែងជាអគ្គលេខាធិការសភា បានផ្លាស់ប្តូរ ចែករំលែកបទពិសោធន៍ ឯកភាព ផ្តល់យោបល់ដល់សភាអំពីបញ្ហាសកលសំខាន់ៗ ដែលចាំបាច់ត្រូវដោះស្រាយ។

សមាគមមានភារកិច្ចស្រាវជ្រាវច្បាប់ នីតិវិធី ការអនុវត្ត និងវិធីសាស្រ្តធ្វើការរបស់សភាផ្សេងៗគ្នា និងស្នើវិធានការកែលម្អ និងផ្លាស់ប្តូរថ្មី។ សមាគមក៏មានគោលបំណងពង្រីកទំនាក់ទំនងរវាងបណ្តាស្ថាប័នជំនួយសភា និងរវាងបណ្តាអគ្គលេខាធិការសភា។

លោក Bui Van Cuong អគ្គលេខាធិការរដ្ឋសភា បានជួបជាមួយលោក Najib M. El Khadi ប្រធាន ASGP (រូប​ថត៖ vov.vn)

ASGP គឺជាវេទិកាមួយដែលមានលក្ខណៈនយោបាយតិចតួច ដូច្នេះសកម្មភាពនៃការធ្វើបទបង្ហាញ ពិភាក្សា និងចែករំលែកបទពិសោធន៍កើតឡើងក្នុងបរិយាកាសបើកចំហ និងស្មោះត្រង់។

ខ្លឹមសារដែលបានពិភាក្សា និងចែករំលែកដោយប្រតិភូនៅក្នុងសន្និសីទ ASGP នេះរួមមានប្រធានបទដូចខាងក្រោម៖ ការចូលរួមរបស់ប្រជាជនក្នុងសកម្មភាពរបស់សភា; វិសមភាពយេនឌ័រនៅក្នុងសភា - តើមួយណាជាដំណោះស្រាយ; សភា និងជម្លោះផលប្រយោជន៍; តួនាទីរបស់សភាក្នុងការប្រយុទ្ធប្រឆាំងនឹងបម្រែបម្រួលអាកាសធាតុ និងកម្រងសំណួរដើម្បីបង្កើតគោលការណ៍ណែនាំការអនុវត្តល្អបំផុតសម្រាប់ "សភាឌីជីថល"។ ជាមួយគ្នានេះ សន្និសីទក៏មានកិច្ចប្រជុំគណៈកម្មាធិការប្រតិបត្តិ ដើម្បីពិភាក្សាអំពី “កំណែទម្រង់ដំណើរការរដ្ឋបាលក្នុងព្រឹទ្ធសភា…” និងបោះឆ្នើតជ្រើសរើសអនុប្រធាន និងសមាជិកគណៈកម្មាធិការប្រតិបត្តិ។

គណៈប្រតិភូវៀតណាមដឹកនាំដោយលោក Bui Van Cuong អគ្គលេខាធិការរដ្ឋសភា បានចូលរួមសន្និសីទ (រូប​ថត៖ vov.vn)

គណៈប្រតិភូនៃលេខាធិការដ្ឋានរដ្ឋសភាវៀតណាមដឹកនាំដោយលោក Bui Van Cuong សមាជិកគណៈកម្មាធិការមជ្ឈិមបក្ស អគ្គលេខាធិការរដ្ឋសភាវៀតណាម ប្រធានការិយាល័យរដ្ឋសភាបានអញ្ជើញចូលរួមសន្និសីទនេះ៕

បកប្រែដោយ Duy Hoan