បទយកការណ៍ជារូបភាព

២៣ មិនា ២០២០ (18:55)

ការិយាល័យមីក្រូជីវសាស្រ្ត នៃវិទ្យាស្ថានស្រាវជ្រាវវេជ្ជសាស្ត្រនិងឱសថ នៃបណ្ឌិតសភាវេជ្ជសាស្ត្រយោធាត្រូវបានបើកភ្លើងជានិច្ច។
ដំណើរការនៃការស្រាវជ្រាវបច្ចេកវិជ្ជាផលិតស្របតាមដំណើរការមួយដ៏តឹងរឹង ឧបករណ៍ធ្វើតេស្តមួយនេះត្រូវបានផលិតតាមខ្សែចង្វាក់មួយដែលស្របតាមស្តង់ដារ ISO ១៣៤៨៥ ហើយបន្ទប់ពិសោធន៍ក៏ស្របតាមស្តង់ដារ ISO Class 8 ផងដែរ។
ឧបករណ៍ធ្វើតេស្តមួយនេះត្រូវបានត្រួតពិនិត្យកម្រិតរសើប កម្រិតជាក់លាក់ និងកម្រិតត្រឹមត្រូវ នៅបន្ទប់ពិសោធន៍ នៃក្រុមហ៊ុនភាគហ៊ុនបច្ចេកវិទ្យា Viet A និងបណ្ឌិតសភាវេជ្ជសាស្រ្តយោធា។
លោកស្រីអនុសេនីយ៍ឯក បណ្ឌិត Dinh Thi Thu Hang (កំពុងឈរ) ធ្វើការនៅការិយាល័យមីក្រូជីវសាស្រ្ត នៃវិទ្យាស្ថានស្រាវជ្រាវវេជ្ជសាស្ត្រនិងឱសថ នៃបណ្ឌិតសភាវេជ្ជសាស្ត្រយោធា គឺជាសមាជិកាសំខាន់ម្នាក់ដែលចូលរួមអនុវត្តគម្រោង “ស្រាវជ្រាវ និងផលិតឧបករណ៍ធ្វើតេស្ត Real - time RT - PCR រកឃើញ COVID-19”។
សមាជិកទាំងឡាយនៃការិយាល័យមីក្រូជីវសាស្រ្ត វិទ្យាស្ថានស្រាវជ្រាវវេជ្ជសាស្ត្រនិងឱសថតែងតែងប់ងល់នឹងការស្រាវជ្រាវ។
លោកវរសេនីយ៍ឯកបំរុង Ho Anh Son នាយករងវិទ្យាស្ថានស្រាវជ្រាវវេជ្ជសាស្ត្រនិងឱសថ នៃបណ្ឌិតសភាវេជ្ជសាស្ត្រយោធា ប្រធានគម្រោង និងលោកស្រីអនុសេនីយ៍ឯក បណ្ឌិត Dinh Thi Thu Hang កំពុងត្រួតពិនិត្យ និងណែនាំដល់បុគ្គលិក។
ឧបករណ៍ធ្វើតេស្តរក COVID-19 ធ្វើឡើងដោយកិច្ចសហប្រតិបត្តិការរវាងបណ្ឌិតសភាវេជ្ជសាស្ត្រយោធាជាមួយក្រុមហ៊ុនភាគហ៊ុនបច្ចេកវិទ្យា Viet A ហើយមានប្រទេសចំនួន ២០ បានបញ្ជាទិញឧបករណ៍មួយនេះ។
នាទីសម្រាកដ៏កម្ររបស់កម្មាភិបាល និងបុគ្គលិកនៃការិយាល័យមីក្រូជីវសាស្រ្ត
ឧបករណ៍ធ្វើតេស្តរក COVID-19 នឹងត្រូវនាំចេញទៅប្រទេសអ៊ីរ៉ង់ ហ្វាំងឡង់ ម៉ាឡេស៊ី អ៊ុយក្រែន។ ក្នុងនោះ អ៊ីរ៉ង់បានបញ្ជាទិញ ២០០,០០០ test (៤០០០ ឈុត) អ៊ុយក្រែនបានបញ្ជាទិញ ១៥០០០ test (៣០០ ឈុត)។ ទីក្រុងហាណូយក៏បានបញ្ជាទិញ ២០០,០០០ test ដើម្បីប្រើសម្រាប់បំពេញតំរូវការរបស់ទីក្រុង និងប្រគល់ជូនប្រទេសអ៊ីតាលី។
លោកវរសេនីយ៍ឯកបំរុង Ho Anh Son (ខាងឆ្វេង) នាយករង វិទ្យាស្ថានស្រាវជ្រាវវេជ្ជសាស្ត្រនិងឱសថ នៃបណ្ឌិតសភាវេជ្ជសាស្ត្រយោធា ប្រធានគម្រោងកំពុងផ្លាស់ប្តូរបទពិសោធន៍ជាមួយក្រុមអ្នកស្រាវជ្រាវ។