កងកម្លាំងការពារព្រំដែនកម្ពុជា ជាកងកម្លាំងមួយដ៏ខ្លាំងក្លា
កប.អនឡាញ - ដោយមានព្រំដែននៅលើដីគោកផង នៅលើសមុទ្រផង កងកម្លាំងការពារព្រំដែននៃព្រះរាជាណាចក្រកម្ពុជាបានបែងចែកជាបីកម្លាំងរួមមាន៖ កងទ័ពការពារព្រំដែន នគរបាលការពារព្រំដែនចំណុះអគ្គស្នងការនគរបាលជាតិ (ក្រសួងមហាផ្ទៃ) និងនគរបាលចំណុះអគ្គនាយកដ្ឋានអន្តោប្រវេសន៍ (ក្រសួងមហាផ្ទៃ)
កងកម្លាំងនគរបាលការពារព្រំដែនមានភារកិច្ចត្រូតពិនិត្យការចេញចូលនៅច្រកទ្វារទ្វេភាគី ច្រករបៀង និងយាមល្បាត រក្សាសន្តិសុខ សណ្តាប់ធ្នាប់នៅតំបន់ព្រំដែន និងអនុវត្តកិច្ចការបរទេស។
កងកម្លាំងនគរបាលចំណុះអគ្គនាយកដ្ឋានអន្តោប្រវេសន៍ (ក្រសួងមហាផ្ទៃ) មានភារកិច្ចត្រួតពិនិត្យការចេញចូលនៅតំបន់ព្រំដែន រក្សាសន្តិសុខសណ្តាប់ធ្នាប់នៅច្រកទ្វារអន្តរជាតិ និងអនុវត្តកិច្ចការបរទេស។ កងកម្លាំងនគរបាលចំណុះអគ្គនាយកដ្ឋានអន្តោប្រវេសន៍មាននាយកដ្ឋានចំនួន២ ទទួលភារកិច្ចគ្រប់គ្រង ត្រួតពិនិត្យនៅច្រកទ្វារ តាមផ្លូវសមុទ្រ និងផ្លូវគោក។
|
|
កងទ័ពការពារព្រំដែនខេត្ត Tay Ninh បានសហការយាមល្បាតជាមួយកងវរសេនាតូចនគរបាលការពារព្រំដែនលេខ ៦១១ ស្នងការដ្ឋាននគរបាលខេត្តស្វាយរៀង (រូបថត៖ bienphong.com.vn) |
ឯកងទ័ពការពារព្រំដែនកម្ពុជាមានភារកិច្ចយាមល្បាត ការពារខ្សែបន្ទាត់ព្រំដែន បង្គោលព្រំដែន និងសហការជាមួយកងកម្លាំងនគរបាលការពារព្រំដែនដើម្បីការពារសន្តិសុខសណ្តាប់ធ្នាប់នៅតំបន់ព្រំដែន និងសហការជាមួយរដ្ឋបាលព្រៃឈើដើម្បីចួលរួមក្នុងការការពារព្រៃឈើ។
នាបច្ចុប្បន្ននេះ កងកម្លាំងការពារព្រំដែនកម្ពុជាបានកសាងឡើងដោយមានកម្លាំងដ៏ខ្លាំងក្លាដោយបានប្រដាប់អាវុធទំនើប និងមានមុខជំនាញកាន់តែខ្ពស់ឡើង។ ទន្ទឹមនឹងភារកិច្ចរក្សាសន្តិសុខព្រំដែន កងកម្លាំងការពារព្រំដែនកម្ពុជាក៏បានជំរុញទំនាក់ទំនងការបរទេសជាមួយបណ្តាប្រទេសជិតខាង រួមចំណែកក្នុងការកសាងតំបន់ព្រំដែនប្រកបដោយសន្តិភាព មិត្តភាព និងសម្រួលឲ្យប្រជាជនអភិវឌ្ឍសេដ្ឋកិច្ច សង្គម៕
បកប្រែដោយ Duy Hoan