នាវាកងទ័ពជើងទឹកអូស្ត្រាលី មកបំពេញទស្សនកិច្ចនៅវៀតណាម
កប.អនឡាញ- នារសៀលថ្ងៃទី ១៩ មេសា នាវាកងទ័ពជើងទឹកអូស្រ្តាលី រួមមាន៖ HMAS ANZAC, HMAS TOOWOOMBA និង HMAS SUCCESS ដោយមាននាយទាហាន ៧៣ រូប នាវិក ៥៦៩ រូបបានមកដល់កំពង់ផែទីក្រុងហូជីមិញ ចាប់ផ្តើមដំណើរទស្សនកិច្ចនៅវៀតណាម ក្នុងរយៈពេល ៤ ថ្ងៃចាប់ពីថ្ងៃទី ១៩ ដល់ ២២ មេសា។
ដំណើរទស្សនកិច្ចលើកនេះ ដើម្បីពង្រឹង និងពង្រីកកិច្ចសហប្រតិបត្តិការរវាងកម្លាំងកងទ័ពជើងទឹកទាំងពីរ ភាពជាដៃគូយុទ្ធសាស្រ្តរវាងវៀតណាម និងអូស្រ្តាលី។
|
|
ក្រុមនាវិកបានមកដាក់កម្រងផ្កានៅស្តុបប្រធានហូជីមិញ |
ទំនាក់ទំនងរវាងកម្លាំងកងទ័ពជើងទឹកទាំងពីរកាន់តែបានពង្រឹង និងពង្រីកប្រកបដោយល្អប្រសើរ។ ដំណើរទស្សនកិច្ចលើកនេះស្របពេលប្រទេសទាំងពីររំលឹកខួបលើកទី ២០ នៃកិច្ចសហប្រតិបត្តិការលើវិស័យការពារជាតិរវាងវៀតណាម និងអូស្រ្តាលី ហើយនេះក៏ជាសក្ខីភាពបញ្ជាក់ពីសារសំខាន់នៃទំនាក់ទំនងវៀតណាម និងអូស្ត្រាលីដែរ។
បន្ទាប់ពីពិធីទទួលបដិសណ្ឋារកិច្ច មេបញ្ជាការ និងក្រុមនាវិកបានមកដាក់កម្រងផ្កានៅស្តូបប្រធានហូជីមិញ និងចូលជួបសម្តែងការគួរសមថ្នាក់ដឹកនាំទីក្រុងហូជីមិញ៕
បកប្រែដោយ Minh Trung