កូរ៉េខាងត្បូងផ្ដល់ជំនួយឧបត្ថម្ភដល់ការអភិវឌ្ឍ Taekwondo របស់វៀតណាម
កប.អនឡាញ - នាថ្ងៃទី ៨ ខែតុលា នៅទីស្នាក់ការអគ្គនាយកដ្ឋានកីឡាកាយសម្ព័ន្ធវៀតណាម តាងនាមរដ្ឋាភិបាលកូរ៉េខាងត្បូង មជ្ឈមណ្ឌលវប្បធម៌កូរ៉េខាងត្បូងប្រចាំវៀតណាម បានចុះហត្ថលេខាលើកិច្ចព្រមព្រៀងផ្ដល់ជំនួយឧបត្ថម្ភដល់ការអភិវឌ្ឍ Taekwondo ជាមួយសហព័ន្ធកីឡាវៀតណាម។
|
|
មជ្ឈមណ្ឌលវប្បធម៌កូរ៉េខាងត្បូងប្រចាំវៀតណាម បានចុះហត្ថលេខាលើកិច្ចព្រមព្រៀងផ្ដល់ជំនួយឧបត្ថម្ភដល់ការអភិវឌ្ឍ Taekwondo ជាមួយសហព័ន្ធកីឡាវៀតណាម (រូបថត៖ nhandan.com.vn) |
លោក Suk Jin Young នាយកមជ្ឈមណ្ឌលវប្បធម៌កូរ៉េខាងត្បូងប្រចាំវៀតណាមបានអះអាងថា៖ “រដ្ឋាភិបាលកូរ៉េខាងត្បូងនឹងផ្តល់ជំនួយឧបត្ថម្ភដល់ការអភិវឌ្ឍ Taekwondo របស់កូរ៉េខាងត្បូងនៅវៀតណាម។ កិច្ចសហប្រតិបត្តិការនេះមានលក្ខណៈគ្រប់ជ្រុងជ្រោយសម្រាប់ការអភិវឌ្ឍ Taekwondo នៅវៀតណាម ចាប់តាំងពីការរៀបចំការប្រកួតនៅវៀតណាម និងការបញ្ជូនកីឡាកររបស់វៀតណាមទៅហ្វឹកហាត់នៅកូរ៉េខាងត្បូង និងបញ្ជូនអ្នកជំនាញកូរ៉េខាងត្បូងមកបណ្តុះបណ្តាលនៅវៀតណាម។ ”
នៅចំពោះមុខ កូរ៉េខាងត្បូងនឹងផ្ដល់ជំនួយឧបត្ថម្ភក្នុងការរៀបចំការប្រកួត Taekwondo វៀតណាម ចាប់ពីឆ្នាំ ២០២០ ដល់ឆ្នាំ ២០២៣។
ចាប់ផ្តើមកម្មវិធីនេះ ភាគីកូរ៉េខាងត្បូងនឹងផ្ដល់ជំនួយឧបត្ថម្ភរៀបចំការប្រកួត Taekwondo នៅទូទាំងប្រទេស។ ការប្រកួតនេះនឹងធ្វើឡើងនៅកីឡាដ្ឋានខេត្ដ Thua Thien-Hue ពីថ្ងៃទី ១២ ដល់ ១៨ ខែតុលា ដោយមានការចូលរួមពីកីឡាករប្រមាណ ៧៥០ នាក់។ នេះជាឱកាសសម្រាប់កីឡាករ - កីឡាការិនីហ្វឹកហាត់ដើម្បីត្រៀមឲ្យការប្រកួតស៊ីហ្គេមលើកទី ៣១ និងវគ្គជម្រុះអូឡាំពិកឆ្នាំ ២០២១៕
បកប្រែដោយ Pham Diep