ទង់ជាតិវៀតណាមបក់រវិចៗ នៅស៊ីហ្គេម ៣០

សមាជិកនៃក្រុម​កីឡា​វៀតណាមថតរូបអនុស្សាវរីយ៍បន្ទាប់ពីពិធីបង្ហូត​ទង់ជាតិ

ពិធីបង្ហូតទង់ជាតិទង់ជាតិបានធ្វើឡើងយ៉ាងឧឡារិក។ បន្ទាប់ពីពិធីករជំរាបសួរភ្ញៀវជាភាសាចំនួន១១នៃបណ្តាប្រទេសអាស៊ីអាគ្នេយ៍ អ្នកតំណាងប្រតិភូដែលចូលរួមស៊ីហ្គេមបានឡើងថតរូប និងទទួលវត្ថុអនុស្សាវរីយ៍។

យោងទៅតាមលំដាប់នៃតួអក្ស ក្រុមកីឡាវៀតណាម គឺជាក្រុមចុងក្រោយដែលប្រារព្ធពិធីបង្ហូរទង់ជាតិ នៅម៉ោង ១០ ៖ ៤០ នាទី ទង់​ជាតិ​វៀត​ណាមបានបក់រវិចៗ លើទីលាននៃមជ្ឈមណ្ឌលកីឡា New Clark City  ដោយបង្ហាញពីវត្តមានជាផ្លូវការរបស់ក្រុមកីឡាវៀតណាមចូលរួមព្រឹត្តិការណ៍ស៊ីហ្គេម លើកទី ៣០។  ថ្លែងនៅក្នុងពិធីបង្ហូតទង់ជាតិ អគ្គនាយករង នៃអគ្គនាយកដ្ឋានកីឡា និងជាប្រធានក្រុមកីឡាវៀតណាមចូលរួមព្រឹត្តិការណ៍ស៊ីហ្គេម ៣០ លោក Tran Duc Phan បានអះអាងថា៖ “ទង់ជាតិវៀតណាមតែងតែស្ថិតក្នុងបេះដូងរបស់សមាជិកនីមួយៗនៃក្រុមកីឡាវៀតណាម ហើយយើងខ្ញុំ​នឹងប្តេជ្ញាចិត្តប្រកូតប្រជែងអស់ពីសមត្ថភាពរបស់ខ្លួន​ដើម្បីភាពរុងរឿងនៃមាតុភូមិវៀតណាម ” ៕

បកប្រែដោយ Duy Hoan