ទីក្រុង Da Nang ត្រៀមទទួលស្វាគមន៍ភ្ញៀវអន្តរជាតិនៅដើមខែវិច្ឆិកា
កប.អនឡាញ - ទីក្រុង Da Nang ភាគកណ្តាលវៀតណាម ទើបតែបានដាក់សំណើជូនរដ្ឋាភិបាលស្តីពីការអនុញ្ញាតឱ្យទីក្រុងនេះទទួលភ្ញៀវអន្តរជាតិចាប់ពីខែវិច្ឆិកា ឆ្នាំ២០២១ ខាងមុខនេះ។
តាមផែនការ គណៈកម្មាធិការប្រជាជនទីក្រុង Da Nang ស្នើឱ្យបានទទួលស្វាគមន៍ និងបម្រើភ្ញៀវអន្តរជាតិ តាមផែនទីបង្ហាញផ្លូវ ដែលមាន ២ ដំណាក់កាល។
ដំណាក់កាលទី ១ ចាប់ពីខែវិច្ឆិកា ឆ្នាំ២០២១ នឹងទទួលភ្ញៀវអន្តរជាតិ និងអាណិកជនវៀតណាមដែលចូលទីក្រុងក្នុងគោលបំណងធ្វើពាណិជ្ជកម្ម បំពេញការងារ និងធ្វើមាតុភូមិនិវត្តន៍...; ភ្ញៀវទេសចរអន្តរជាតិដែលត្រូវបានធានា និងគ្រប់គ្រងដោយទីភ្នាក់ងារទេសចរណ៍អន្តរជាតិនៅពេលចូលមកប្រទេសវៀតណាម។ តាមគម្រោង ទីក្រុងនេះនឹងទទួលភ្ញៀវពី ១៥,០០០ ទៅ ២០,០០០ នាក់ក្នុងមួយខែ។
ដំណាក់កាលទី ២ គឺនៅពេលដែលរដ្ឋាភិបាលអនុញ្ញាតឱ្យមានការស្តារឡើងវិញនូវជើងហោះហើរអន្តរជាតិដែលរួមមានលក្ខខណ្ឌអំពីការបង្ការទប់ស្កាត់ការរីករាលដាលនៃជំងឺរាតត្បាតតាមការកំណត់របស់រដ្ឋាភិបាល និងទីក្រុង។
|
|
ទីក្រុង Da Nang ដាក់សំណើរជូនរដ្ឋាភិបាលអំពីផែនការសាកល្បងទទូលស្វាគមន៍ភ្ញៀវអន្តរជាតិក្នុងខែវិច្ឆិកា ឆ្នាំ២០២១ (រូបថត៖ vovworld.vn) |
តំណាងមន្ទីរទេសចរណ៍ទីក្រុងដាណាង បានឲ្យដឹងថា អង្គភាពអាជីវកម្មជាច្រើនក្នុងវិស័យទេសចរណ៍នៃទីក្រុងបានត្រៀមខ្លួនរួចជាស្រេចសម្រាប់ផែនការទទួលស្វាគមន៍ភ្ញៀវអន្តរជាតិហើយ។ ក្រុមហ៊ុនទេសចរណ៍កូរ៉េខាងត្បូង និងរុស្ស៊ី រួមទាំងក្រុមហ៊ុនអាកាសចរណ៍នានា ក៏កំពុងជម្រុញ និងធ្វើការជាមួយមន្ទីទេសចរណ៍នៃទីក្រុង ដើម្បីស្នើសុំឲ្យមានការការស្ដារឡើងវិញនូវដំណើរទេសចរណ៍ទៅកាន់ទីក្រុង Da Nang ក្នុងត្រីមាសទីបួន នៃឆ្នាំនេះ និងក្នុងឆ្នាំ២០២២ផងដែរ។
ទីផ្សារដែលមានអតិថិជនសក្តានុពលនាពេលបច្ចុប្បន្ននេះគឺ ប្រទេសរុស្ស៊ី កូរ៉េខាងត្បូង និងទីផ្សារមួយចំនួនដែលគ្រប់គ្រងជំងឺរាតត្បាតបានយ៉ាងល្អដូចជាប្រទេសថៃ ជប៉ុន និងហុងកុង ជាដើម៕
បកប្រែដោយ Duy Hoan