កិច្ចប្រជុំ “អាស៊ាន - យូនីសេហ្វ ស្តីពីការអប់រំបែបឌីជីថលក្នុងសមាគមប្រជាជាតិអាស៊ីអាគ្នេយ៍ (អាស៊ាន)
កប.អនឡាញ - នាថ្ងៃទី ១៥ ខែតុលា ក្រសួងអប់រំ និងបណ្តុះបណ្តាលវៀតណាម សហការជាមួយមូលនិធិអង្គការសហប្រជាជាតិសម្រាប់កុមារ (យូនីសេហ្វ) និងលេខាធិការដ្ឋានអាស៊ាន បានរៀបចំកិច្ចប្រជុំ “អាស៊ាន - យូនីសេហ្វ ស្តីពីការអប់រំបែបឌីជីថលក្នុងសមាគមប្រជាជាតិអាស៊ីអាគ្នេយ៍ (អាស៊ាន)។
កិច្ចប្រជុំនេះត្រូវបានរៀបចំឡើងក្នុងបំណងបញ្ជាក់ពីភាពចាំបាច់នៃការអភិវឌ្ឍប្រព័ន្ធអប់រំអាស៊ាន តាមបែបឌីជីថល។
|
|
ទិដ្ឋភាពនៃកិច្ចប្រជុំ (រូបថត៖ tienphong.vn) |
ថ្លែងនៅព្រឹត្តិការណ៍នេះ រដ្ឋមន្រ្តីក្រសួងអប់រំ និងបណ្តុះបណ្តាលវៀតណាម បានអំពាវនាវឱ្យរដ្ឋមន្រ្តីអប់រំអាស៊ានទាំងអស់រួមគ្នាបង្កើតស្តង់ដារជំនាញឌីជីថលមួយក្នុងតំបន់ ដោយឆ្ពោះទៅរកការបង្កើតក្របខ័ណ្ឌសមត្ថភាពឌីជីថលដែលត្រូវបានទទួលស្គាល់ដោយបណ្តាប្រទេសជាសមាជិក។
នៅចុងបញ្ចប់នៃកិច្ចប្រជុំ រដ្ឋមន្រ្តីអប់រំនៃអាស៊ានបានអនុម័តលើសេចក្តីថ្លែងការណ៍រួមដោយបញ្ជាក់ពីសារៈសំខាន់នៃកិច្ចខិតខំប្រឹងប្រែងទាំងឡាយដើម្បីជម្រុញការអប់រំបែបឌីជីថល រវាងបណ្តាប្រទេសជាសមាជិកអាស៊ាន។ រដ្ឋមន្រ្តីនៃបណ្តាប្រទេសបានប្តេជ្ញាចិត្តអនុវត្តសេចក្តីថ្លែងការណ៍ពោលខាងលើនេះ និងរួមបញ្ចូលចំណេះដឹងឌីជីថលទៅក្នុងផែនការការងាររបស់អាស៊ាន ស្តីពីការអប់រំសម្រាប់ដំណាក់កាល ២០២១-២០២៥ ៕
បកប្រែដោយ Duy Hoan