យូនីសេហ្វលើកឡើងនូវវិស័យអាទិភាពចំនួន ៤ ដើម្បីសហការជាមួយក្រសួងអប់រំបណ្តុះបណ្តាលវៀតណាម
កប.អនឡាញ - នារសៀលថ្ងៃទី ១២ ខែតុលា លោកស្រី Ngo Thi Minh អនុរដ្ឋមន្រ្តីក្រសួងអប់រំ និងបណ្តុះបណ្តាលវៀតណាម បានជួបពិភាក្សាការងារជាមួយអនុប្រធានយូនីសេហ្វ ប្រចាំប្រទេសវៀតណាម លោកស្រី Lesley Miller ។ ភាគីទាំងពីរបានពិភាក្សាលើខ្លឹមសារជាច្រើនដើម្បីបង្កើនកិច្ចសហប្រតិបត្តិការលើវិស័យអប់រំ និងបណ្តុះបណ្តាល។
នៅក្នុងជំនួបនេះ លោកស្រី Lesley Miller បានលើកឡើងវិស័យអាទិភាពចំនួន ៤ សម្រាប់កិច្ចសហប្រតិបត្តិការរវាងយូនីសេហ្វ និងក្រសួងអប់រំ និងបណ្តុះបណ្តាលវៀតណាម រួមមាន៖ ការបំពាក់បំប៉នចំណេះដឹងស្តីពីបច្ចេកវិទ្យាព័ត៌មានក្នុងការអប់រំ និងបណ្តុះបណ្តាល; ការកសាងកម្មវិធីអប់រំកម្រិតមត្តេយ្យសិក្សាថ្មី; ការលើកកំពស់គុណភាពអប់រំ; ការធានាអោយមានសមធម៌ក្នុងការអប់រំ និងការកសាងបរិស្ថានរៀនសូត្រស្អាតបាត និងមានសុវត្ថិភាព។
|
|
លោកស្រីអនុរដ្ឋមន្រ្តី Ngo Thi Minh ទទួលជួបលោកស្រី Lesley Miller អនុប្រធានយូនីសេហ្វប្រចាំនៅវៀតណាម (រូបថត៖ vov.vn) |
យោងតាមលោកស្រី Lesley Miller ឲ្យដឹងថា ក្នុងវិស័យអាទិភាពទាំង ៤ នោះ វិស័យបច្ចេកវិទ្យាព័ត៌មានចាំបាច់ត្រូវយកចិត្តទុកដាក់យ៉ាងខ្លាំងបំផុត ហើយយូនីសេហ្វមានបំណងចង់សហប្រតិបត្តិការជាមួយក្រសួងអប់រំ និងបណ្តុះបណ្តាលវៀតណាមលើវិស័យនេះដើម្បីបំពាក់បំប៉នចំណេះដឹងស្តីពីបច្ចេកវិទ្យាព័ត៌មានវិទ្យាដល់សិស្សានុសិស្ស (ចាប់ពីកម្រិតមត្តេយ្យសិក្សា) និងគ្រូបង្រៀនទាំងអស់ ពីព្រោះថាការរីករាលដាលនៃកូវីដ១៩ បានបង្ហាញឲ្យឃើញថា អាស្រ័យដោយមានបច្ចេកវិទ្យាព័ត៌មានបានជាការរៀនសូត្រមិនអាក់ខានឡើយ ទោះបីជាការទៅរៀននៅសាលាត្រូវតែបញ្ឈប់មួយរយៈក៏ដោយ។
ដោយវាយតម្លៃខ្ពស់ចំពោះការជួយគាំទ្រនាពេលថ្មីៗនេះរបស់អង្គការយូនីសេហ្វសម្រាប់សាលារៀនទាំងឡាយនៅប្រទេសវៀតណាមក្នុងការកសាងប្រព័ន្ធទឹកស្អាតនិងអនាម័យដើម្បីលើកកម្ពស់គុណភាពអប់រំនោះ លោកអនុរដ្ឋមន្រ្តី Ngo Thi Minh បានឯកភាពនឹងសំណើរទាំងឡាយរបស់យូនីសេហ្វ ក្នុងបំណងកសាងបរិស្ថានរៀនសូត្រស្អាតបាត និងមានសុវត្ថិភាពសម្រាប់សិស្សទាំងអស់៕
បកប្រែដោយ Duy Hoan