អូស្ត្រាលីជួយវៀតណាមក្នុងការអភិវឌ្ឍធនធានមនុស្ស
កប.អនឡាញ - យោងតាមព័ត៌មានពីស្ថានទូតអូស្រ្តាលីប្រចាំទីក្រុងហាណូយប្រទេសវៀតណាមបានឲ្យដឹងថា រដ្ឋាភិបាលអូស្ត្រាលីទើបតែផ្តល់អាហារូបករណ៍ចំនួន ៥០ កន្លែង ដល់និស្សិតវៀតណាមសម្រាប់សិក្សាថ្នាក់អនុបណ្ឌិតទៅសិក្សានៅប្រទេសអូស្រ្តាលីក្នុងឆ្នាំ ២០២០ ។
|
|
លោកស្រី Robyn Mudie ឯកអគ្គរដ្ឋទូតអូស្ត្រាលីប្រចាំនៅវៀតណាម |
លោកស្រី Robyn Mudie ឯកអគ្គរដ្ឋទូតអូស្ត្រាលីប្រចាំនៅវៀតណាម បានសង្កត់ធ្ងន់ថា“ បន្ទាប់ពីបញ្ចប់ការសិក្សានៅអូស្រ្តាលី និស្សិតទាំងនេះនឹងវិលត្រឡប់ទៅស្រុកកំណើតរបស់ពួកគេវិញជាមួយនឹងសមត្ថភាពវិជ្ជាជីវៈដ៏រឹងមាំដើម្បីរួមចំណែកអភិវឌ្ឍន៍ប្រទេសវៀតណាម” ។
និស្សិតចំនួន ៥០ នាក់ទទួលបានអាហារូបករណ៍លើកនេះដែលជានិសិត្យស្ថិតក្នុងចំណោមនិស្សិតវៀតណាមជាង ៦,០០០ នាក់ដែលបានផ្តល់អាហារូបករណ៍រយៈពេលខ្លី និងវែងដោយរដ្ឋាភិបាលអូស្ត្រាលីចាប់តាំងពីប្រទេសទាំងពីរបង្កើតទំនាក់ទំនងការទូតនៅឆ្នាំ ១៩៧៣។ លោកស្រីឯកអគ្គរដ្ឋទូតអូស្ត្រាលីបានឲ្យដឹងថា អាហារូបករណ៍របស់រដ្ឋាភិបាលអូស្រ្តាលីស្ថិតនៅក្នុងកម្មវិធីជួយអភិវឌ្ឍន៍ធនធានមនុស្សរបស់រដ្ឋាភិបាលអូស្រ្តាលីផ្ដល់ជូនប្រទេសវៀតណាមដើម្បីជួយប្រទេសវៀតណាមឱ្សសម្រេចបានគោលដៅជាប្រទេសអភិវឌ្ឍន៍ និងវិបុលភាព៕
បកប្រែដោយ Pham Diep