រុស្ស៊ី និងវៀតណាមជំរុញកិច្ចសហប្រតិបត្តិការលើវិស័យអប់រំ
កប.អនឡាញ - នាថ្ងៃទី២៨ ខែតុលា នៅមជ្ឈមណ្ឌលវិទ្យាសាស្ត្រ និងវប្បធម៌រុស្ស៊ីនៅទីក្រុងហាណូយ បានរៀបចំសន្និសីទតុមូលក្រោមប្រធានបទ “រុស្ស៊ី - វៀតណាម៖ ទស្សនវិស័យសម្រាប់កិច្ចសហប្រតិបត្តិការលើវិស័យអប់រំ”។
សន្និសីទមានវត្តមានឯកអគ្គរដ្ឋទូតវិសាមញ្ញនិងពេញសមត្ថភាពរុស្ស៊ីប្រចាំនៅវៀតណាម លោក Konstantin Vnukov និងតំណាងសាកលវិទ្យាល័យនានារបស់វៀតណាម និងរុស្ស៊ី។
    |
 |
|
ទិដ្ឋភាពនៃសន្និសីទ (រូបថត៖ baomoi.com) |
នៅក្នុងសន្និសីទ ភាគីទាំងពីរបានផ្លាស់ប្តូរអំពីកាលានុវត្តន៍ភាពសម្រាប់កិច្ចសហប្រតិបត្តិការរវាងបណ្តាសាកលវិទ្យាល័យរបស់រុស្ស៊ី និងវៀតណាម ក៏ដូចជាជំរុញកិច្ចសហប្រតិបត្តិការលើវិស័យបណ្តុះបណ្តាលកម្មាភិបាល និងកម្មករជំនាញស្របតាមស្តង់ដារ WorldSkills និងការអប់រំវិជ្ជាជីវៈនៅក្នុងយុគសម័យឌីជីថល។ ភាគីទាំងពីរក៏បានចែករំលែកបទពិសោធន៍ ក្នុងការបង្រៀន និងរៀនភាសារុស្ស៊ីផងដែរ។
សន្និសីទតុមូល ជាសកម្មភាពសំខាន់មួយ រួមចំណែកជំរុញទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាងវៀតណាមនិងរុស្ស៊ី៕
បកប្រែដោយ Huyen Trang