សិស្សានុសិស្សទូទាំងប្រទេសអន្ទះសារយ៉ាងខ្លាំងចំពោះការបើកឆ្នាំសិក្សាថ្មី ២០១៩ - ២០២០

ក្នុងឱកាសនេះថ្នាក់ដឹកនាំបក្ស រដ្ឋ រដ្ឋាភិបាល រដ្ឋសភា... បានអញ្ជើញចូលរួមពិធីបើកបវសនកាល ឆ្នាំសិក្សាថ្មីដើម្បីលើកទឹកចិត្តដល់លោកគ្រូ អ្នកគ្រូ និងសិស្សានុសិស្សនៃសាលាជាច្រើននៅទូទាំងប្រទេសដោយបង្ហាញការយកចិត្តទុកដាក់យ៉ាងខ្លាំងលើបុព្វហេតុអប់រំរបស់ប្រទេសជាតិ។

* នៅទីរួមខេត្ត Son Tay ទីក្រុងហាណូយ៖ លោកនាយករដ្ឋមន្រ្តី Nguyen Xuan Phuc ចូលរួមក្នុងពិធីបើកបវេសនកាលឆ្នាំសិក្សាថ្មី។ នៅទីនេះ លោកនាយករដ្ឋមន្រ្តីមានប្រសាសន៍ចូលរួមជាមួយលោកគ្រូ អ្នកគ្រូ សិស្សានុសិស្សសាលា ដើម្បីអបអរសាទរចំពោះព្រឹត្តិការណ៍សំខាន់នៃវិស័យអប់រំនិងក៏ជាឆ្នាំសិក្សាទី ៦០ នៃសាលារៀន។ ក្នុងនាមថ្នាក់ដឹកនាំបក្ស រដ្ឋ បានពាំនាំការសួរសុខទុក្ខ យ៉ាងកក់ក្តៅដល់លោកគ្រូ អ្នកគ្រូ សិស្សានុសិស្ស និងជូនពរដល់វិទ្យាល័យ Son Tay ឲ្យមានឆ្នាំសិក្សាថ្មី ប្រកបដោយជោគជ័យ លោកនាយករដ្ឋមន្រ្តីបានអះអាងថា ការអប់រំ និងការបណ្តុះ បណ្តាលទទួលបានការយកចិត្តទុកដាក់ពីបក្ស រដ្ឋជានិច្ច។ លោកនាយករដ្ឋមន្រ្តីមានបំណងថា ក្នុងឆ្នាំសិក្សាថ្មីនេះវិស័យអប់រំទាំងមូលនឹងបន្តជំរុញលទ្ធផលដែលទទួលបាន ហើយ​ជម្នះការលំបាកដើម្បីសម្រេចឱ្យបានជោគជ័យបន្ថែមទៀត និងរួមចំណែកដោយផ្ទាល់ក្នុងបុព្វហេតុនៃការកសាងជាតិ។

លោកនាយករដ្ឋមន្រ្តី Nguyen Xuan Phuc ចូលរួមក្នុងពិធីបើកបវេសនកាលឆ្នាំសិក្សាថ្មី

* ខេត្ត Dong Thap៖ ប្រធានរដ្ឋសភាលោកស្រី Nguyen Thi Kim Ngan ចូលរួមពិធីបើកបវេសមកាលឆ្នាំសិក្សាថ្មីនៅក្នុងស្រុក Thap Muoi ។

លោកស្រី Nguyen Thi Kim Ngan ប្រធានរដ្ឋសភា បានសម្តែងការសប្បាយរីករាយនៅឯពិធីបើកបវេសនកាលនៅសាលាវិទ្យាល័យ Thap Muoi ដែលជាសាលាមួយឈានមុខគេក្នុងវិស័យអប់រំនៅខេត្ត Dong Thap។ តាងនាមថ្នាក់ដឹកនាំបក្ស រដ្ឋ ប្រធានរដ្ឋសភា ជូនពរឲ្យលោកគ្រូ អ្នកគ្រូ និងសិស្សានុសិស្សទាំងអស់មានភាពសប្បាយរីករាយក្នុងព្រឹត្តិការណ៍នេះ។ ដើម្បីបំពេញភារកិច្ចប្រកបដោយជោគជ័យក្នុងឆ្នាំសិក្សា ២០១៩-២០២០ ប្រធានរដ្ឋសភាបានស្នើឱ្យវិស័យអប់រំក្នុងខេត្ត និងអាជ្ញាធរខេត្តត្រូវតែផ្តោតសំខាន់លើការអនុវត្តរាល់ភារកិច្ចក្នុងឆ្នាំសិក្សាថ្មីនេះ និងត្រូវតែលើកឡើងបណ្តាវិធានការសំដៅលើកទឹកចិត្តឲ្យសិស្សានុសិស្សជក់ចិត្តនឹងការរៀនសូត្រ និងចូលរួមយ៉ាងសកម្មក្នុងគ្រប់សកម្មភាពរបស់សាលារៀន។ ទន្ទឹមនឹងនោះត្រូវបង្កើតឲ្យមានបរិយាកាសជិតស្និទ្ធ សុវត្ថិភាព ពោរពេញទៅដោយសម្រស់នៃពណ៌បៃតង។ល។

លោកស្រី Nguyen Thi Kim Ngan ប្រធានរដ្ឋសភា សម្តែងការសប្បាយរីករាយនៅឯពិធីបើកបវេសនកាលនៅសាលាវិទ្យាល័យ Thap Muoi

* ខេត្ត Thanh Hoa: លោកឧបនាយករដ្ឋមន្រ្តីលោក Truong Hoa Binh បានចូលរួមពិធីបើកបវេសនកាលឆ្នាំសិក្សាថ្មី និងបំផុសកម្មវិធីផ្តល់មួកសុវត្ថិភាពដល់សិស្សថ្នាក់ទី ១ នៅទូទាំងប្រទេសក្នុងឆ្នាំសិក្សា ២០១៩-២០២០ ជាមួយប្រធានបទ “រក្សាក្តីសុបិន្តរបស់អ្នក” នៅសាលាបឋមសិក្សា Hoang Hoa Tham ក្រុង Thanh Hoa ខេត្ត Thanh Hoa។

ក្នុងឆ្នាំសិក្សា ២០១៩-២០២០ គណៈកម្មាធិការជាតិសុវត្ថិភាពចរាចរណ៍នឹងផ្តល់មួកសុវត្ថិភាពជិត ២ លានដល់សិស្សថ្នាក់ទី ១ ទូទាំងប្រទេស  ។

លោកឧបនាយករដ្ឋមន្រ្តីលោក Truong Hoa Binh បានចូលរួមពិធីបើកបវេសនកាលឆ្នាំសិក្សាថ្មី និងបំផុសកម្មវិធីផ្តល់មួកសុវត្ថិភាពដល់សិស្សថ្នាក់ទី ១ ទូទាំងប្រទេសក្នុងឆ្នាំសិក្សា ២០១៩-២០២០ នៅសាលាបឋមសិក្សា Hoang Hoa Tham ក្រុង Thanh Hoa

* ទីក្រុង Hai Phong៖ លោក Vo Van Thuong សមាជិកការិយាល័យនយោបាយ ប្រធានគណៈឃោសនា អប់រំ មជ្ឈិមបានចូលរួម ពិធីបើកបវេសនកាលឆ្នាំសិក្សាថ្មីនៅអនុវិទ្យាល័យ Chu Van An នៅស្រុក Ngo Quyen ក្រុង Hai Phong។ នេះគឺជាសាលារៀនដ៏លេចធ្លោនៃក្រុង Hai Phong។

លោក Vo Van Thuong សមាជិកការិយាល័យនយោបាយ ប្រធានគណៈឃោសនាអប់រំមជ្ឈិមបានចូលរួមពិធីបើកបវេសនកាលឆ្នាំសិក្សាថ្មីនៅអនុវិទ្យាល័យ Chu Van An នៅស្រុក Ngo Quyen ក្រុង Hai Phong

ទីក្រុង Ho Chi Minh ៖ លោក Nguyen Thien Nhan លេខាបក្សភាគទីក្រុង Ho Chi Minh បានចូលរួមពិធីបើកបវេសនកាលឆ្នាំសិក្សាថ្មីនៅសាលាវិទ្យាល័យ Le Quy Don ។ នេះជាសាលាមួយដែលត្រូវបានជ្រើសរើស ឲ្យអនុវត្តជាការសាកល្បងគំរូ “សាលាឆ្លាត” នៃទីក្រុង។

ថ្លែងមតិនៅទីនេះ លោក Nguyen Thien Nhan បានសម្តែងនូវការរំពឹងទុកថាក្នុងឆ្នាំសិក្សាថ្មីសាលា នឹងមានភាពច្នៃប្រឌិតជាច្រើនក្នុងការបង្រៀន និងការរៀន ជាពិសេសការច្នៃប្រឌិតក្នុងការថែរក្សាវប្បធម៌វៀតណាម និងសិស្សានុសិស្សមិនត្រឹមតែរៀនពូកែប៉ុណ្ណោះទេ ប៉ុន្តែពួកគេក៏ត្រូវខិតខំប្រឹងប្រែងដើម្បីក្លាយជាពលរដ្ឋល្អនិងជាកូនកតញ្ញូផងដែរ។

លោក Nguyen Thien Nhan លេខាបក្សភាគទីក្រុង Ho Chi Minh បានចូលរួមពិធី បើកបវេសនកាលឆ្នាំសិក្សាថ្មីនៅសាលាវិទ្យាល័យ Le Quy Don

បកប្រែដោយ Minh Trung