សាកលវិទ្យាល័យសេដ្ឋកិច្ចទីក្រុងហូជីមិញក្លាយជាមជ្ឈមណ្ឌលអប់រំរបស់សាកលវិទ្យាល័យ Western Sydney នៅអាស៊ីអាគ្នេយ៍
កប.អនឡាញ - នាថ្ងៃទី២៣ មេសា នៅសាកលវិទ្យាល័យសេដ្ឋកិច្ចទីក្រុងហូជីមិញ វិទ្យាស្ថានបណ្ដុះបណ្ដាលអន្តរជាតិ ISB បានរៀបចំសន្និសីទកាសែតអំពីការប្រគល់អាហារូបករណ៍របស់សាកលវិទ្យាល័យ Western Sydney (ប្រទេសអូស្ត្រាលី) ឲ្យនិស្សិតចំនួន ៤០ នាក់នៅតំបន់អាស៊ីអាគ្នេយ៍ដែលសិក្សានៅវៀតណាមដោយមានតម្លៃសរុប ១ លានដុល្លារ។ ព្រមទាំង សាកលវិទ្យាល័យសេដ្ឋកិច្ចទីក្រុងហូជីមិញក្លាយជាមជ្ឈមណ្ឌលអប់រំរបស់សាកលវិទ្យាល័យ Western Sydney នៅអាស៊ីអាគ្នេយ៍។
នៅប៉ុន្មានឆ្នាំកន្លងមក សាកលវិទ្យាល័យសេដ្ឋកិច្ចទីក្រុងហូជីមិញបានបង្កើតបរិយាកាសសិក្សាតាមស្ដង់ដាអន្តរជាតិសម្រាប់និស្សិត តាមរយៈកិច្ចសហការជាមួយសាកលវិទ្យាល័យចម្បងនៅលើពិភពលោក រួមទាំងសាកលវិទ្យាល័យ Western Sydney (ប្រទេសអូស្ត្រាលី)។ ទន្ទឹមនឹងការក្លាយជាមជ្ឈមណ្ឌលអប់រំរបស់សាកលវិទ្យាល័យ Western Sydney នៅអាស៊ីអាគ្នេយ៍ និងទទួលអាហារូបករណ៍សម្រាប់និសិ្សតថ្មី ២០ នាក់នៅឆ្នាំ២០១៩ ភាគីទាំងពីរនឹងមានសកម្មភាពជាច្រើនក្នុងការបណ្ដុះបណ្ដាលជំនាញទៀតផង៕
បកប្រែដោយ Thuy Anh