ទឹកចិត្តជនរួមជាតិ Co Tu ចំពោះលោកអ៊ំ ហូ
កប.អនឡាញ - លើអាសនៈនៃគ្រួសារនីមួយៗតែងតែដាក់តាំងរូបថតគោរពបូជាលោកអ៊ំ ហូ នោះជាការសម្តែងមនោសញ្ចេតនា និងការដឹងគុណចំពោះលោកអ៊ំហូរបស់ជនរួមជាតិ Co Tu នៅភូមិ Phu Tuc ឃុំ Hoa Phu ស្រុក Hoa Vang ខេត្ដ Da Nang។
នាពេលថ្មីៗនេះ យើងខ្ញុំមានឱកាសអមដំណើរជាមួយគណៈប្រតិភូបញ្ជាការដ្ឋានយោធាទីក្រុង Da Nang ប្រគល់ “ផ្ទះមេត្ដាធម៌” ជូនលោកអនុសេនីយ៍ឯកបំរុង Nguyen Van Hao ជនជាតិ Co Tu ដែលជាជាងជួសជុលអាវុធនៃកងអនុសេនាធំឃ្លាំង K97 បញ្ជាការដ្ឋានយោធាទីក្រុង Da Nang នៅភូមិ Phu Tuc។ បើសម្លឹងមើលពីខាងក្រៅទៅក្នុងនោះ យើងបានងាយឃើញរូបថតលោកអ៊ំហូ ដែលត្រូវបានដាក់តាំងលើអាសនៈក្នុងផ្ទះថ្មី។
|
|
លោកអនុសេនីយ៍ឯកបំរុង Nguyen Van Hao អុជធូបគោរពវិញ្ញាណក្ខន្ធលោកអ៊ំ ហូ |
ដោយមានវត្តមានក្នុងថ្ងៃរីករាយរបស់គ្រួសារ លោកអនុសេនីយ៍ឯកបំរុង Nguyen Van Hao ព្រឹទ្ធាចារ្យភូមិ Nguyen Van Can ក្នុងសំលៀកបំពាក់ប្រពៃណីរបស់ជនជាតិ Co Tu បានឲ្យដឹងថា៖ “លោកអនុសេនីយ៍ឯកបំរុង Nguyen Van Hao គឺជាមនុស្សល្អម្នាក់របស់ជនរួមជាតិ Co Tu។ អនុសេនីយ៍ឯកបំរុង Nguyen Van Hao ជានិច្ចកាលជឿលើបក្ស និងលោកអ៊ំ ហូ តែងតែចូលរួមសកម្មក្នុងការងារភូមិ ដែលធ្វើឲ្យបងប្អូនជនរួមជាតិគ្រប់ៗគ្នាស្រឡាញ់រាប់អាន។ នៅទីនេះ ក្នុងឱកាសថ្ងៃបុណ្យ ឬ ព្រឹត្ដិការណ៍សំខាន់ៗរបស់គ្រួសារ នៅលើអាសនៈសក្ការៈបូជាលោកអ៊ំ ហូ ក្រៅពីដាក់ផ្លែឈើ និងស្ករគ្រាប់ ជនជាតិ Co Tu នៅដាក់នំស្នែងក្របី និងផលិតផលប្រចាំតំបន់ទៀតផង។
ជារៀងរាល់ព្រឹកនិងពេលយប់ ជនរួមជាតិបានអុជធូបដើម្បីបង្ហាញពីទឹកចិត្តរបស់ម្ចាស់ផ្ទះចំពោះមេឃដី និងបុព្វបុរស និងលោកអ៊ំ ហូ។ នោះជាអត្ដសញ្ញាណវប្បធម៌ប្រពៃណីដែលជនជាតិ Co Tu នៅភូមិ Phu Tuc តែងតែរំលឹកដល់កូនចៅរបស់ខ្លួនឱ្យចេះថែរក្សា។
ព្រឹទ្ធាចារ្យភូមិ Nguyen Van Can បានមកទស្សនាផ្ទះ Guol Phu Tuc ដែលជានិមិត្តសញ្ញានៃវប្បធម៌ Co Tu - ជាកន្លែងសម្រាប់ក្រុមប្រឹក្សាព្រឹទ្ធាចារ្យ ជួបប្រជុំនិងសម្រេចចិត្តលើបញ្ហាសំខាន់ៗរបស់សហគមន៍ និងជាកន្លែងរៀបចំពិធីបុណ្យដូចជា៖ បុណ្យស្រូវថ្មី អបអរសាទរការច្រូតកាត់ល្អ... យើងខ្ញុំត្រូវបានព្រឹទ្ធាចារ្យភូមិប្រាប់ថា ក្នុងព្រឹត្ដិការណ៍ទាំងនោះ ក្រៅពីការថ្វាយព្រះអាទិទេពតាមទំនៀមទម្លាប់នោះ ការអុជធូបគោរពវិញ្ញាណលោកអ៊ំ ហូ បានក្លាយជាទម្លាប់ និងអត្ដសញ្ញាណវប្បធម៌របស់ជំនាន់ជាច្រើនរបស់ជនរួមជាតិ Co Tu នៅតំបន់ Truong Son។ បងប្អូនជនរួមជាតិយល់ថា ការរស់នៅបានសុខសាន្ដ សប្បាយដូចសព្វថ្ងៃនេះ គឺអរគុណបក្ស អរគុណលោកអ៊ំ ហូ៕
បកប្រែដោយ Pham Diep