"ឲ្យតែយើងរស់នៅតាមគន្លងល្អ អ្នកភូមិនឹងជឿទុកវិត្ត និងស្តាប់តាមយើងជាមិនខាន"

ជាពិសេស លោក Ro Cham Tich ព្រឹទ្ធាចារ្យភូមិ បានកៀរគរប្រជាពលរដ្ឋបរិច្ចាគដីទំហំជាង ៣០០ ម៉ែត្រការ៉េ និងកាប់ដើមឈើហូបផ្លែ និងដើមកាហ្វេរាប់រយដើម ដើម្បីសាងសង់ផ្លូវ ហើយជួយភូមិសម្រេចការកសាងជនបទថ្មី។ ព្រឹទ្ធាចារ្យភូមិ Ro Cham Tich បានឲ្យដឹងថា "ភូមិរបស់ខ្ញុំមានក្រុមគ្រួសារ ២២៨ គ្រួសារ ដែលមានប្រជាជនជាង ១០០០ នាក់។ កាលពីមុន ជីវភាពរស់នៅរបស់ប្រជាជនជួបការលំបាកខ្លាំង អត្រាគ្រួសារក្រីក្រមានជាង ៥០% ប៉ុន្តែឥឡូវមានតែជាង ៨% ប៉ុណ្ណោះ។ កុមារបានទទួលការអប់រំ ផ្លូវចាក់បេតុងល្អ រថយន្តអាចចូលដល់ភូមិបាន"។

លោកព្រឹទ្ធាចារ្យភូមិ Ro Cham Tich  ជាមួយកងកម្លាំងធ្វើការយាមល្បាតការពារព្រំដែន និងបង្គោលព្រំដែន

យោងតាមព្រឹទ្ធាចារ្យភូមិ Ro Cham Tich ដើម្បីទទួលបានលទ្ធផលដូចសព្វថ្ងៃនេះ ប្រជាជនជនជាតិ Gia Rai ពិតជាដឹងគុណចំពោះការយកចិត្តទុកដាក់ដល់ការអភិវឌ្ឍតំបន់ជនជាតិភាគតិច របស់បក្ស រដ្ឋ និងអាជ្ញាធរមូលដ្ឋាន។

នៅពេលដែលគេសួរថាធ្វើយ៉ាងណាឲ្យប្រជាពលរដ្ឋជឿនិងធ្វើតាម លោកព្រឹទ្ធាចារ្យភូមិ Ro Cham Tich ញញឹមដាក់ ហើយនិយាយថា សាមញ្ញណាស់! "បើខ្ញុំរស់នៅល្អ ហើយធ្វើល្អគឺ អ្នកភូមិនឹងជឿជាក់ និងធ្វើតាម។ ជាឧទាហរណ៍ បើខ្ញុំចង់កៀរគរប្រជាជនឲ្យអភិវឌ្ឍសេដ្ឋកិច្ចរបស់ខ្លួន គឺសេដ្ឋកិច្ចគ្រួសារយើងត្រូវតែល្អសិន។ ដើម្បីឲ្យអ្នកភូមិបោះបង់ចោលទំនៀមទម្លាប់ចាស់កម្រិល គ្រួសាររបស់ខ្ញុំត្រូវតែបោះបង់ចោលជាមុនសិន"។

ដូចលោកព្រឹទ្ធាចារ្យភូមិ Ro Cham Tich បាននិយាយ បន្ទាប់ពីចេញពីកងទ័ពនៅឆ្នាំ ១៩៨៣ ហើយត្រឡប់មកភូមិវិញ លោកបានស្ម័គ្រចិត្តជា “ឯកអគ្គរដ្ឋទូត” ដើម្បីនាំយកគោលការណ៍ និងគោលនយោបាយរបស់បក្សចូលក្នុងជីវភាពរស់នៅរបស់ប្រជាជន។ លោកក៏បានទៅឈានមុខក្នុងការអនុវត្តវិទ្យាសាស្ត្រ និងបច្ចេកទេសក្នុងការផលិត បង្កើនប្រាក់ចំណូល និងណែនាំប្រជាជនឲ្យធ្វើតាម ហើយលោកបានផ្សព្វផ្សាយ និងចលនាឲ្យប្រជាជនផ្លាស់ប្ដូរផ្នត់គំនិតចាស់។ លោកក៏បានទៅគ្រួសារនិមួយៗ ដែលប្រកបរបរធ្វើស្រែចម្ការនៅតាមព្រំដែនដើម្បីផ្សព្វផ្សាយឲ្យពួកគាត់គោរពច្បាប់ កុំបំពានព្រំដែន និងបង្គោលព្រំដែន។ល៕

បកប្រែដោយ Thuy Anh