អ្នកដាំ “ដើមឈើសន្តិភាព” វៀតណាម - អាមេរិក
កប.អនឡាញ - ឆ្នាំ ២០២០ គឺជាឆ្នាំដែលប្រព្រឹត្តទៅការរំលឹកខួបលើកទី ២៥ នៃការធ្វើឱ្យប្រក្រតីទំនាក់ទំនងការទូតវៀតណាម - អាមេរិក។ ទំនាក់ទំនងរវាងប្រទេសទាំងពីរមានការអភិវឌ្ឍយ៉ាងខ្លាំងក្លាយ និងក្លាយជាដៃគូគ្រប់ជ្រុងជ្រោយដូចជាសព្វថ្ងៃនេះ អាស្រ័យដោយមានការរួមវិភាគទានរបស់បណ្តាជនជាតិអាមេរិកដែលជាអ្នកជំរុញស្ពានមិត្តភាព។ លោកស្រី Jerilyn Brusseau បានវាយតំលៃជាសហស្ថាបនិកម្នាក់ក្នុងចំណោមសហស្ថាបនិកនៃអង្គការ PeaceTrees Vietnam (ដើមឈើសន្តិភាពវៀតណាម)។
លោកស្រី Jerilyn Brusseau គឺជាបងស្រីរបស់ទាហានអាមេរិកម្នាក់ ដែលបានពលីជីវិតនៅឆ្នាំ ១៩៦៩ នៅសម័យសង្រ្គាមវៀតណាម។ លោកស្រី Jerilyn Brusseau បានចែករំលែកថា “វាជាពេលវេលាដ៏ឈឺចាប់បំផុតនៅក្នុងជីវិតខ្ញុំ និងក្រុមគ្រួសាររបស់ខ្ញុំ។ ខ្ញុំក៏យល់ដែរថា ការឈឺចាប់របស់គ្រួសារខ្ញុំគឺដូចគ្នានឹងគ្រួសារវៀតណាមដែលបានបាត់បង់មនុស្សជាទីស្រលាញ់ដោយសារសង្គ្រាមដែរ”។ ហេតុដូច្នេះ លោកស្រី Jerilyn Brusseau តែងតែមានគោលបំណងចង់មកប្រទេសវៀតណាម ដើម្បីធ្វើអ្វីមួយធូស្រាលការឈឺចាប់នៃសង្គ្រាម។
|
|
លោកស្រី Jerilyn Brusseau សហស្ថាបនិកនៃអង្គការ PeaceTrees Vietnam |
ប៉ុន្តែ មកទល់ឆ្នាំ ១៩៩៦ លោកស្រី Jerilyn Brusseau ទើបបានមកប្រទេសវៀតណាម។ លោកស្រីបានឃើញដោយផ្ទាល់ភ្នែកនូវផលវិបាកនៃសង្គ្រាម ក៏ដូចជាផលប៉ះពាល់នៃសង្គ្រាមលើទឹកដី និងប្រជាជនវៀតណាម។ វិលត្រឡប់មកប្រទេសអាមេរិកវិញ លោកស្រីរួមជាមួយប្តី និងម្ដាយរបស់លោកស្រី បានសម្រេចចិត្តបង្កើតអង្គការ PeaceTrees Vietnam ក្នុងគោលបំណងកសាងទំនុកទុកចិត្ត និងការយល់ដឹងគ្នាទៅវិញទៅមករវាងប្រជាជននៃប្រទេសទាំងពីរ។
អង្គការ PeaceTrees Vietnam គឺជាអង្គការក្រៅរដ្ឋាភិបាលបរទេសដំបូងបង្អស់ ដែលទទួលបានការអនុញ្ញាតពីប្រទេសវៀតណាម ឱ្យធ្វើប្រតិបត្តិការក្នុងការបោសសំអាតគ្រាប់បែកគ្រាប់មីន យុទ្ធភ័ណ្ឌមិនទាន់ផ្ទុះក្រោយសង្គ្រាម។ អង្គការ PeaceTrees Vietnam បានអនុវត្តការបោសសំអាតគ្រាប់បែកគ្រាប់មីន ហើយដើមឈើនៅលើដីដែលត្រូវបានគេបោសសំអាតនោះ។ នាបច្ចុប្បន្ននេះ អង្គការ PeaceTrees Vietnam ប្រតិបត្តិការក្នុងការរាវរក បោសសំអាតគ្រាប់បែក និងការអប់រំដើម្បីលើកកម្ពស់ការយល់ដឹងអំពីគ្រាប់បែកគ្រាប់មីន ហើយអភិវឌ្ឍសហគមន៍នៅខេត្ត Quang Binh និងខេត្ត Quang Tri ភាគកណ្តាលវៀតណាម។ មកទល់បច្ចុប្បន្ននេះ អង្គការ PeaceTrees Vietnam បានបោសសំអាតយុទ្ធភ័ណ្ឌផ្ទុះចំនួន ១០៥,៨៥៥ ប្រកបដោយសុវត្ថិភាពនៅខេត្ត Quang Tri; រៀបចំកម្មវិធីស្តីពីការបង្ការប្រឆាំងគ្រាប់បែកគ្រាប់មីនសម្រាប់កុមារ និងគ្រួសារចំនួន ៨៦,៨៣០ នាក់; ជួយឧបត្ថម្ភជនរងគ្រោះចំនួន ២១៥ នាក់ និង ៦២ គ្រួសារដែលរងគ្រោះដោយសារគ្រាប់បែកគ្រាប់មីន; ផ្តល់អាហារូបករណ៍ចំនួន ១,៦៦៤ ជូនកុមារនៃក្រុមគ្រួសាររងគ្រោះដោយសារគ្រាប់បែក គ្រាប់មីន; សាងសង់ភូមិមិត្តភាពដើមឈើសន្តិភាពសម្រាប់ក្រុមគ្រួសាររងគ្រោះដោយសារគ្រាប់បែក គ្រាប់មីន; សាងសង់សាលាមត្តេយ្យចំនួន ១៥ បណ្ណាល័យចំនួន ១១ និងផ្ទះសហគមន៍ចំនួន ២ ខ្នង; ហើយសាងសង់សួនច្បារសម្រាប់សុខភាពកុមារ និងជួយស្ត្រីរាប់រយនាក់ក្នុងការអភិវឌ្ឍសេដ្ឋកិច្ចតាមក្រុមគ្រួសារ។ល។
អស់រយៈពេលជាច្រើនឆ្នាំ ដោយមានការខិតខំដោយឥតឈប់ឈរ លោកស្រី Jerilyn Brusseau បានប្រមូលមូលនិធិពីក្រសួងការពារជាតិអាមេរិក មូលនិធិនានា និងអតីតទាហានអាមេរិកដែលបានបយុទ្ធនៅវៀតណាម ដើម្បីកសាង និងអនុវត្តគំរោង របស់អង្គការ PeaceTrees Vietnam។
តាមរយៈសកម្មភាពជាក់ស្តែង និងមានប្រសិទ្ធភាព លោកស្រី Jerilyn Brusseau បានក្លាយជាមិត្តម្នាក់ដ៏ជិតស្និទ្ធជាមួយនឹងប្រជាជនវៀតណាម។ នៅខែសីហា ឆ្នាំ ២០១៩ កន្លងទៅនេះ លោកស្រីបានមានកិត្តិយសទទួលមេដាយមិត្តភាពពីប្រធាននៃសាធារណរដ្ឋសង្គមនិយមវៀតណាម ដោយសារមានការរួមវិភាគដ៏ធំធេងរបស់លោកស្រីក្នុងការជំរុញសាមគ្គីភាព មិត្តភាព និងកិច្ចសហប្រតិបត្តិការរវាងប្រជាជននៃប្រទេសទាំងពីរ៕
បកប្រែដោយ Huyen Trang