ទីក្រុងមូស្គូនឹងរៀបចំមហោស្រពវប្បធម៌វៀតណាមជាលើកដំបូង
កប.អនឡាញ - គេហទំព័ររបស់អាជ្ញាធរទីក្រុងមូស្គូបានផ្ដល់ព័ត៌មានថា ចាប់ពីថ្ងៃទី ២៥ ខែកក្កដាដល់ថ្ងៃទី ៣ ខែសីហា មហោស្រពវប្បធម៌វៀតណាមនឹងប្រព្រឹត្តទៅនៅទីលាន Manezhnaya ទីក្រុងមូស្គូ។
នេះជាលើកដំបូងហើយដែលមហោស្រពវប្បធម៌វៀតណាមត្រូវបានរៀបចំឡើងនៅទីក្រុងមូស្គូ ដោយអាជ្ញាធរទីក្រុងមូស្គូ និងស្ថានទូតវៀតណាមប្រចាំនៅរុស្ស៊ី។
លោកស្រី Natalya Sergunina អភិបាលរងក្រុងម៉ូស្គូ បានឲ្យដឹងថា មហោស្រពនេះត្រូវបានប្រារព្ធឡើងក្នុងឱកាសខួបលើកទី ៧៥ នៃការបង្កើតទំនាក់ទំនងការទូតរវាងប្រទេសទាំងពីរ។
    |
 |
|
ផ្ទាំងរូបភាពនៃព្រឹត្តិការណ៍ (រូបថត៖ vnanet.vn) |
ក្នុងមហោស្រពនេះ ប្រជាជនទីក្រុង និងភ្ញៀវទេសចរនឹងរីករាយជាមួយការសម្ដែងល្ខោនអាយ៉ង ពិសារម្ហូបវៀតណាម និងចូលរួមក្នុងថ្នាក់បង្រៀនធ្វើម្ហូបប្រកបដោយភាពច្នៃប្រឌិត។
ទន្ទឹមនឹងនោះ មហោស្រពក៏នឹងមានកម្មវិធីសិល្បៈដែលសម្តែងដោយសិល្បករមកពីប្រទេសទាំងពីរ និងការសម្ដែងឧបករណ៍ភ្លេងប្រពៃណីវៀតណាម។ អ្នកចូលរួមកម្មវិធីក៏មានឱកាសស្វែងយល់អំពីគំនូរ Dong Ho របាំប្រជាប្រិយ និងសិល្បៈខ្មុកវៀតណាម។ល៕
បកប្រែដោយ Thuy Anh