លក្ខណៈវប្បធម៌ពិសេសក្នុងពិធីបុណ្យរាំរបស់ជនជាតិ Dao Tien នៅស្រុក Moc Chau

២៦ កញ្ញា ២០២២ (17:48)

កប.អនឡាញ - ពិធីបុណ្យរាំ (បុណ្យសុំរដូវកាលអំណោយផល) របស់ជនជាតិ Dao Tien នៅស្រុក Moc Chau (ខេត្ដ Son La ភាគខាងជើងវៀតណាម) គឺជាពិធីបុណ្យមួយដ៏ធំដែលមិនត្រឹមតែផ្ដល់ទំនុកចិត្ដអំពីរដូវកាលអំណោយផល ជីវិតសុខសាន្ដប៉ុណ្ណោះទេ ថែមទាំងរួមចំណែកអភិវឌ្ឍវប្បធម៌សហគមន៍របស់បណ្ដាជនជាតិឲ្យកាន់តែសម្បូរបែបទៀតផង។

ជារៀងរាល់ឆ្នាំ ត្រកូលរបស់ជនជាតិ Dao Tien នឹងធ្វើពិធីបួងសួងសុំផលដំណាំ។ នៅថ្ងៃនេះ គ្រួសារនីមួយៗក្នុងត្រកូលនឹងនាំយកគ្រឿងសំណែន (អង្ករ ស្រា មាន់ ជាដើម) ទៅដល់ផ្ទះរបស់មេត្រកូល។ នៅទីនេះ សមាជិកក្នុងគ្រួសារ និងអ្នកជិតខាង នឹងត្រៀមរៀបចំគ្រឿងសំណែន ជាពិសេសការធ្វើ "ដើមដំណាំ"។ ដើមដំណាំជាដើមឬស្សី កំពុងលូតលាស់យ៉ាងល្អ។ ប្រជាពលរដ្ឋនឹងធ្វើនំតូចៗ ហើយភ្ជាប់វាទៅនឹងដើមឈើ ដើម្បីធ្វើជានិមិត្តរូបសម្រាប់រដូវកាលអំណោយផល។