វៀតណាមចូលរួមពិធីបុណ្យសាមគ្គីរបស់គណបក្សពលករបែលហ្ស៊ិក
កប.អនឡាញ - បន្ទាប់ពីមួយឆ្នាំនៃការផ្អាកជាបណ្ដោះអាសន្នដោយសារការរីករាលដាលនៃជំងឺ Covid-19 ពិធីបុណ្យសាមគ្គី Manifesta លើកទី១១ ជាព្រឹត្តិការណ៍ប្រចាំឆ្នាំរបស់គណបក្សពលករបែលហ្ស៊ិក បានប្រព្រឹត្តទៅនៅថ្ងៃទី១១ និងថ្ងៃទី១២ ខែកញ្ញា នៅទីក្រុង Ostende ភាគខាងលិច ប្រទេសបែលហ្ស៊ិក។ នេះគឺជាសកម្មភាពតភ្ជាប់សាមគ្គីភាពរវាងកម្លាំងកុម្មុយនិស្ត វណ្ណៈកម្មករ និងកម្មករអន្តរជាតិ។
ព្រឹត្តិការណ៍នេះប្រមូលប្រតិភូប្រមាណ ១៥,០០០ នាក់ មកពីស្ថានទូតនានាប្រចាំបែលហ្ស៊ិក។ ភ្ញៀវទាំងឡាយត្រូវបង្ហាញវិញ្ញាបនប័ត្រនៃការចាក់វ៉ាក់សាំងពេញលេញ ឬធ្វើតេស្តរហ័សជំងឺ Covid-19 មុនពេលចូលរួម។
|
|
ស្តង់នៃស្ថានទូតវៀតណាមនៅបុណ្យ Manifesta (រូបថត៖ vnanet.vn) |
ស្ថានទូតវៀតណាមប្រចាំបែលហ្ស៊ិកចូលរួមបុណ្យ Manifesta ឆ្នាំនេះ ដោយមានស្ដង់ផ្សព្វផ្សាយម្ហូបអាហារ វប្បធម៌ និងទេសចរណ៍វៀតណាម។ ស្ដង់របស់វៀតណាមបានទាក់ទាញការយកចិត្តទុកដាក់ពីទស្សនិកជន។ កាសែតទាំងឡាយរបស់វៀតណាម ដូចជា ទស្សនាវដ្ដីរូបភាពវៀតណាម (ជាភាសាអង់គ្លេស) កាសែត Le Courrier du Vietnam (ជាភាសាបារាំង) និងសៀវភៅផ្សព្វផ្សាយទេសចរណ៍វៀតណាម ជាដើម បានធ្វើឲ្យសម្បូរបែបសម្រាប់ស្ដង់របស់ស្ថានទូតវៀតណាម។
ក្នុងពិធី លោកឯកអគ្គរដ្ឋទូត Nguyen Van Thao បានជួបជាមួយថ្នាក់ដឹកនាំនៃគណបក្សពលករបែលហ្ស៊ិក និងបង្ហាញពីសមិទ្ធផលនៃសេដ្ឋកិច្ច សង្គម ដែលវៀតណាមទទួលបាន នៅពេលកន្លងមក រួមទាំងអំពីលទ្ធផលល្អនៃដំណើរទស្សនកិច្ចនៅសហភាពអឺរ៉ុប (EU) និងព្រះរាជាណាចក្របែលហ្ស៊ិករបស់ប្រធានរដ្ឋសភា Vuong Dinh Hue និងគណៈប្រតិភូជាន់ខ្ពស់វៀតណាម ចូលរួមចំណែកពង្រីកទំនាក់ទំនងកិច្ចសហប្រតិបត្តិការរវាងវៀតណាមនិង EU និយាយរួម និងជាមួយបែលហ្ស៊ិកនិយាយដោយឡែក៕
បកប្រែដោយ Thanh Cong