សកម្មភាពជាច្រើនអបអរសាទរខួបកំណើតរបស់លោកប្រធានហូជីមិញ

កម្មាភិបាលនិងយុទ្ធជននៃកងវរសេនាតូចផ្នែកត្រួតពិនិត្យយោធាលេខ ៣១ បញ្ជាការដ្ឋានយោធាទីក្រុងហូជីមិញទៅទស្សនាពិព័រណ៌

នៅផ្លូវ Dong Khoi និងផ្លូវ Nguyen Du ខ័ណ្ឌលេខ១ បានតាំងបង្ហាញពិព័រណ៌ក្រោមប្រធានបទ “លោកប្រធានហូជីមិញដ៏មហិមារជានិច្ចក្នុងដួងចិត្តរបស់ប្រជាជនវៀតណាម” ដោយមានរូបភាពជិត ១០០ ផ្ទាំង ដែលបង្ហាញពីឆាកជីវិត  បុព្វហេតុបដិវត្តន៍របស់លោកប្រធានហូជីមិញ និងសមិទ្ធិផលក្នុងការកសាង អភិវឌ្ឍន៍ សមាហរណកម្មរបស់ទីក្រុងហូជីមិញ។ នៅផ្នែកផ្សេងរបស់ផ្លូវ Dong Khoi បានតាំងពិព័រណ៌រូបភាព ៥០ ផ្ទាំង ដែលបង្ហាញពីការសិក្សា និងធ្វើតាមគំរូសីលធម៌ និងរចនាបទហូជីមិញរបស់បក្ខភាគ អាជ្ញាធរ កងកម្លាំងប្រដាប់អាវុធ និងប្រជាជនទីក្រុង។ ពិព័រណ៌នឹងបើកដល់ថ្ងៃទី១១ មិថុនា៕

បកប្រែដោយ Thuy Anh