បើកសប្តាហ៍វប្បធម៌ និងទេសចរណ៍ខេត្ត Dong Thap ឆ្នាំ២០២១
កប.អនឡាញ - នាយប់ថ្ងៃទី ២២ ខែមករា នៅទីក្រុង Sa Dec ខេត្ត Dong Thap បានប្រព្រឹត្តទៅពិធីបើកសប្តាហ៍វប្បធម៌ និងទេសចរណ៍ខេត្ត Dong Thap ឆ្នាំ២០២១ ក្រោមប្រធានបទ “Sa Dec - ទីក្រុង និងផ្កា”។
ព្រឹត្តិការណ៍នេះប្រព្រឹត្តទៅចាប់ពីថ្ងៃទី ២២ ដល់ថ្ងៃទី ២៧ ខែមករា។ សប្តាហ៍វប្បធម៍ និងទេសចរណ៍ខេត្ត Dong Thap គឺជាសកម្មភាពដែលបានខេត្ត Dong Thap រៀបចំឡើងជាប្រចាំឆ្នាំ ដើម្បីលើកកម្ពស់គុណតម្លៃវប្បធម៍ ប្រវត្តិសាស្រ្ត ធនធានធម្មជាតិ និងភូមិសិប្បកម្មប្រពៃណីរបស់តំបន់ដោយផ្សារភ្ជាប់ជាមួយការអភិវឌ្ឍទេសចរណ៍។
|
|
ទិដ្ឋភាពនៃពិធីបើកសប្តាហ៍វប្បធម៌ និងទេសចរណ៍ខេត្ត Dong Thap ឆ្នាំ២០២១ (រូបថត៖ vov.vn) |
លោក Doan Tan Buu អភិបាលរងខេត្ត Dong Thap បានបញ្ជាក់ថា សប្តាហ៍វប្បធម៌ និងទេសចរណ៍ក៏ជាឱកាសមួយដើម្បីផ្តល់កិត្តិយស និងលើកតម្កើងដល់សិប្បករនៃភូមិផ្កា។ លោកបានមានប្រសាសន៍ថា៖ “សប្តាហ៍វប្បធម៍ និងទេសចរណ៍ខេត្ត Dong Thap ត្រូវបានរៀបចំឡើងនៅក្នុងទីក្រុងផ្កា ដែលមានសកម្មភាពគួរឱ្យចាប់អារម្មណ៍ និងមានពិព័រណ៍ណែនាំលក្ខណៈប្រចាំតំបន់របស់ខេត្ត និងក្រុងចំនួន ១២ ក្នុងតំបន់ ដែលនាំមកជូនភ្ញៀវទេសចរនូវបទពិសោធន៍គួរឱ្យចាប់អារម្មណ៍អំពីវប្បធម៌ សិល្បៈ ម្ហូបអាហារ ក៏ដូចជាសក្តានុពលទេសចរណ៍របស់ខេត្ត Dong Thap និយាយដោយឡែក និងវាលសណ្តរទន្លេ Cuu Long និយាយរួម
ក្នុងឱកាសនេះ យើងក៏ចង់ពង្រីកវិសាលភាពនៃកិច្ចសហប្រតិបត្តិការជាមួយអង្គភាពអាជីវកម្មទេសចរណ៍ ដើម្បីបង្កើនដំណើរទេសចរណ៍ និងដើម្បីទាក់ទាញភ្ញៀវទេសចរក្នុងស្រុក”៕
បកប្រែដោយ Huyen Trang