ក្នុងក្របខ័ណ្ឌនៃបណ្ដាសកម្មភាពអបអរសាទរចំពោះការដែល Phu Quoc បានក្លាយទៅជាទីក្រុងកោះសមុទ្រដើមដំបូងរបស់វៀតណាមនោះ នាព្រឹកថ្ងៃទី ១០ ខែមករា នៅទីក្រុង Phu Quoc សម្ព័ន្ធក្រុមហ៊ុន SunGroup បានរួមសហការជាមួយគណៈកម្មាធិការប្រជាជនខេត្ត Kien Giang រៀបចំសិក្ខាសាលាក្រោមប្រធានបទ "ទីក្រុងកោះ Phu Quoc ទទួលកាលានុវត្តភាពថ្មី - ឆ្ពោះទៅរកភាពជោគជ័យ" ដោយមានការចូលរួមពីថ្នាក់ដឹកនាំគណៈកម្មាធិការប្រជាជនខេត្ត មន្ទីរពាក់ព័ន្ធ និងជាពិសេសមានការចូលរួមពីអ្នកជំនាញអ្នកវិទ្យាសាស្ត្រ សហគ្រាសផ្នែកស្ថាបត្យកម្ម អចលនទ្រព្យ សេវាកម្ម ទេសចរណ៍នៅក្នុងប្រទេស។ អញ្ជើញថ្លែងក្នុងពិធីនេះ លោក Nguyen Luu Trung អនុប្រធានគណៈកម្មាធិការប្រជាជនខេត្ត Kien Giang បានចាត់ទុកថា តាមរយៈមតិយោបល់នានាក្នុងសិក្ខាសាលានេះ ខេត្តនឹងបន្តកសាងផែនការ ហើយស្នើទៅថ្នាក់មជ្ឈិមនូវយន្តការ និងគោលនយោបាយលេចធ្លោ ដើម្បីបន្តអភិវឌ្ឍទីក្រុង Phu Quoc យ៉ាងខ្លាំងក្លា ព្រមទាំងក្លាយទៅជាមជ្ឈមណ្ឌលសេដ្ឋកិច្ចដ៏សំខាន់មួយនៅភាគខាងត្បូង និងទូទាំងប្រទេស ព្រមទាំងជាមជ្ឈមណ្ឌលរមណីយដ្ឋានដែលមានគុណភាពខ្ពស់ថ្នាក់អន្តរជាតិ៕
តាម vovworld
Type the code from the image