ប្រធាននាយកដ្ឋានសហប្រតិបត្តិការអន្តរជាតិ លោកស្រី Nguyen Phuong Hoa ទទួលជួបលោក Chang Bok Sang ប្រធានសម្ព័ន្ធក្រុមហ៊ុន CJ វៀតណាម
កប.អនឡាញ - នាថ្ងៃទី២២ ខែឧសភា ឆ្នាំ២០២០ នៅក្រសួងវប្បធម៌ កីឡា និងទេសចរណ៍ លោកស្រី Nguyen Phuong Hoa ប្រធាននាយកដ្ឋានសហប្រតិបត្តិការអន្តរជាតិបានទទួលជួប លោក Chang Bok Sang ប្រធានសម្ព័ន្ធក្រុមហ៊ុន CJ វៀតណាម។
នៅក្នុងជំនួបនេះ លោក Chang Bok បានថ្លែងអំណរគុណ លោកស្រី Nguyen Phuong Hoa ដែលបានចំណាយពេលវេលាដ៏មានតំលៃរបស់ខ្លួនដើម្បីទទួលជួបគណៈប្រតិភូ ព្រមទាំងបានជូនដំណឹងពីស្ថានភាពប្រតិបត្តិការរបស់ CJ CGV វៀតណាម នាពេលកន្លងមក។ លោកក៏បានឲ្យដឹងថា ក្រុមហ៊ុន CJ CGV វៀតណាមមានបំណងបង្កើនការផ្លាស់ប្តូរ និងកិច្ចសហប្រតិបត្តិការលើវិស័យភាពយន្តរវាងវៀតណាម និងកូរ៉េខាងត្បូង ដោយស្នើឱ្យក្រសួងវប្បធម៌ កីឡា និងទេសចរណ៍វៀតណាមបន្តយកចិត្តទុកដាក់ក្នុងការជំរុញកិច្ចសហប្រតិបត្តិការលើវិស័យភាពយន្តរវាងប្រទេសទាំងពីរ។
|
|
ប្រធាននាយកដ្ឋានសហប្រតិបត្តិការអន្តរជាតិ លោកស្រី Nguyen Phuong Hoa ទទួលជួបលោក Chang Bok Sang ប្រធានសម្ព័ន្ធក្រុមហ៊ុន CJ វៀតណាម (រូបថត៖ toquoc.vn) |
លោកស្រី Nguyen Phuong Hoa បានវាយតម្លៃខ្ពស់ចំពោះសកម្មភាពរបស់ CJ CGV វៀតណាមក្នុងរយៈពេលប៉ុន្មានឆ្នាំថ្មីៗនេះ ដោយអះអាងថា ភាពយន្តគឺជាវិស័យមួយក្នុងចំណោយវិស័យដែលជម្រុញការអភិវឌ្ឍឧស្សាហកម្មវប្បធម៌នៅវៀតណាម។ លោកស្រីបន្តថា ថ្នាក់ដឹកនាំក្រសួងវប្បធម៌ កីឡា និងទេសរណ៍វៀតណាម រួមទាំងស្ថាប័ននានា និងសមាគមភាពយន្តវៀតណាម ក៏មានការយកចិត្តទុកយ៉ាងខ្លាំងលើវិស័យភាពយន្ត ហើយឥឡូវនេះក្រសួងក៏បានចាត់វិធានការណ៍ជាច្រើនដើម្បីដោះស្រាយការលំបាកសម្រាប់ផ្នែកភាពយន្តផងដែរ។
លោកស្រី Nguyen Phuong Hoa ក៏បានឲ្យដឹងដែរថា បណ្តាស្ថានទូតបរទេសប្រចាំនៅទីក្រុងហាណូយ និងមជ្ឈមណ្ឌលវប្បធម៌នានាកំពុងប្រើប្រាស់ខ្សែភាពយន្តដើម្បីផ្សព្វផ្សាយដល់សាធារណជន ដូច្នេះសូមស្នើឱ្យ CJ CGV វៀតណាមបង្កើនខ្សែភាពយន្តថ្មីៗបន្ថែមទៀតដើម្បីទាក់ទាញទស្សនិកជនមករោងកុនឲ្យបានច្រើនថែមទៀត។ លោកស្រីក៏បានស្នើឲ្យភាគីកូរ៉េខាងត្បូងពិចារណាលើការនាំផលិតករភាពយន្តកូរ៉េខាងត្បូងមកផលិតភាពយន្តនៅឯប្រទេសវៀតណាមផងដែរ៕
បកប្រែដោយ Duy Hoan