ខេត្ដ Thua Thien-Hue ពង្រីកសក្តានុពលទេសចរណ៍នៅឈូងសមុទ្រ Lang Co
កប.អនឡាញ- ឈូងសមុទ្រ Lang Co ស្ថិតនៅក្នុងស្រុក Phu Loc ខេត្ត Thua Thien Hue មានឆ្នេរសមុទ្រប្រវែង ៤២,៥ គីឡូម៉ែត្រ និងមានចម្ងាយពីទីក្រុង Hue ប្រហែល ៦០ គីឡូម៉ែត្រ និងទីក្រុង Da Nang ប្រហែល ២០ គីឡូម៉ែត្រ ជាឈូងសមុទ្រដែលមានទីតាំងស្ថិតនៅក្រោមជើងភ្នំ Hai Van ជាមួយឆ្នេរខ្សាច់ទឹកពណ៌ខៀវស្រងាត់។
    |
 |
|
ទទួលភ្ញៀវអន្ដរជាតិមកដល់កំពង់ផែ Chan May នៃឈូងសមុទ្រ Lang Co (រូបថត៖ vnanet.vn) |
ខេត្ត Thua Thien-Hue បានដាក់ចេញគោលនយោបាយលើកទឹកចិត្តនិងទាក់ទាញការវិនិយោគជាច្រើនដើម្បីពង្រីកសក្តានុពលទេសចរណ៍ទេសចរណ៍នៅឈូងសមុទ្រ Lang Co ។ បច្ចុប្បន្ននេះតំបន់ទេសចរណ៍ Lang Co បានសាងសង់តំបន់ទេសចរណ៍ចម្រុះចំនួន ៦ រួមមានសណ្ឋាគារចំនួន ៤៥ ខ្នង ក្នុងនោះមានប្រមាណ ១,២០០ បន្ទប់ និងភោជនីយដ្ឋានរាប់សិបកន្លែងសម្រាប់បម្រើភ្ញៀវទេសចរ។
|
|
 |
|
រូបភាពឈូងសមុទ្រ Lang Co (រូបថត៖ vnanet.vn) |
ប្រធានគណៈកម្មាធិការប្រជាជនស្រុក Phu Loc លោក Nguyen Van Manh បានឲ្យដឹងថា ឆ្នាំនេះ ស្រុកបានរៀបចំប្រកបដោយជោគជ័យនូវពិធីបុណ្យសមុទ្រ“ Lang Co - ឈូងសមុទ្រស្រស់ស្អាតនៅលើពិភពលោក” និងខួបលើកទី ១០ ដែលឈូងសមុទ្រ Lang Co ត្រូវបានទទួលស្គាល់ជាឈូងសមុទ្រមួយក្នុងចំណោមឈូងសមុទ្រស្រស់ស្អាតបំផុតនៅលើពិភពលោក។
ចំនួនភ្ញៀវទេសចរសរុបចូលមកស្រុក Phu Loc ក្នុងរយៈពេល ៨ ខែដើមឆ្នាំមានចំនួនជិត ១,២ លាននាក់ ដែលក្នុងនោះមានភ្ញៀវអន្តរជាតិចំនួន ៣៣៣,០០០ នាក់ សម្រេចបាន ៩៩,៦% នៃផែនការនិងកើនឡើង ២១,៨% បើធៀបនឹងរយៈពេលដូចគ្នាក្នុងឆ្នាំ២០១៨ ។
នាពេលខាងមុខ ស្រុក Phu Loc បន្តពង្រីកសក្តានុពលនិងភាពខ្លាំងពីតំបន់ទេសចរណ៍លំហែកាយ ឆ្នេរខ្សាច់ ទេសចរណ៍អេកូឡូស៊ី រួមជាមួយការផ្សព្វផ្សាយនិងបង្ហាញផលិតផលទេសចរណ៍ថ្មីៗជាច្រើនដើម្បីទាក់ទាញភ្ញៀវទេសចរ៕
បកប្រែដោយ Pham Diep