សណ្ឋាគារមួយនៅទីក្រុង Sa Pa ត្រូវបានគេហទំព័រ CNN ស្ងើចសរសើរដូចជាវិមានដ៏ប្រណិតមួយនៅអឺរ៉ុប
កប.អនឡាញ - កាលពីពេលថ្មីៗនេះ សណ្ឋាគារលំដាប់ផ្កាយ ៥ នៅទីក្រុង Sa Pa វៀតណាមត្រូវបានគេហទំព័រ CNN ស្ងើចសរសើរដូចជាវិមានដ៏ប្រណិតមួយនៅអឺរ៉ុបដើមសតវត្សរ៍ទី ២០ ។ នោះគឺជាសណ្ឋាគារ Hotel de la Coupole ដែលត្រូវបានរចនាដោយអ្នករចនាដ៏ល្បីឈ្មោះ Bill Bensley។
យោងតាមគេហទំព័រ CNN បានផ្សាយថា ក្នុងប៉ុន្មានឆ្នាំថ្មីៗនេះទីក្រុង Sapa មានការរីកចម្រើនយ៉ាងឆាប់រហ័សក្នុងវិស័យទេសចរណ៍។ ដោយមានចំនួនប្រជាជនប្រហែល ១៤០,០០០ នាក់ ប៉ុន្ដែនៅឆមាសទី ១ នៃឆ្នាំ ២០១៩ ទីក្រុង Sapa បានទទួលភ្ញៀវទេសចរជាង ១,៦ លាននាក់ ស្មើនឹង ៥៧% នៃភ្ញៀវទេសចររបស់ខេត្ត Lao Cai វៀតណាម។
ជាពិសេសគេហទំព័រ CNN បានអះអាងថា សណ្ឋាគាអន្ដរជាតិលំដាប់ផ្កាយ ៥ Hotel de la Coupole - MGallery នឹងធ្វើឲ្យមុខមាត់របស់ Sa Pa មានការផ្លាស់ថ្មី។
សណ្ឋាគារនេះត្រូវបានសាងសង់ឡើងដោយស្ថាបត្យកម្មនៅសម័យអាណានិគមបារាំងដើមឆ្នាំ ១៩០០ ជាមួយនឹងការលាយបញ្ចូលគ្នារវាងរចនាបារាំងដ៏ប្រណិតនិងពណ៌រស់រវើករបស់ជនជាតិភាគតិចនៅមូលដ្ឋាន Sa Pa ផងដែរ៕
តាមគេហទំព័រ CNN
បកប្រែដោយ Pham Diep