ពិភពលោកបង្កើនការត្រៀម​រៀបចំដើម្បីឆ្លើយ​តប​នឹង​ជំងឺរាតត្បាតនាពេលអនាគត

ការព្យាបាលអ្នកជំងឺកូវីដ-១៩​ នៅមន្ទីរពេទ្យក្នុងទីក្រុង Hartford រដ្ឋ Connecticut សហរដ្ឋអាមេរិក (រូបថត៖ AFP/TTXVN)

កាលពីសប្តាហ៍មុន តំណាងនៃប្រទេសសមាជិកចំនួន ១៩៤ នៃអង្គការសុខភាពពិភពលោក (WHO) បានយល់ព្រមពិភាក្សាលើសេចក្តីព្រាងកិច្ចព្រមព្រៀងជាសកល ដើម្បីឆ្លើយតបឱ្យកាន់តែប្រសើរជាមួយនឹងជំងឺរាតត្បាត នៅខែកុម្ភៈ ឆ្នាំ ២០២៣។ បច្ចុប្បន្ននេះ អង្គការសុខភាពពិភពលោកកំពុងធ្វើបច្ចុប្បន្នភាពបញ្ជីមេរោគដែលមានហានិភ័យផ្ទុះឡើងខ្ពស់បំផុត។ ជាពិសេស មេរោគកូរូណា និ គ្រុនផ្តាសាយ ត្រូវបានគេកំណត់ថា ជាមេរោគដែលមានហានិភ័យផ្ទុះឡើងខ្ពស់បំផុត។

ក្នុងពេលជាមួយគ្នានោះ ក្រុមប្រឹក្សាប្រតិបត្តិនៃមូលនិធិជំងឺរាតត្បាតដែលផ្តួចផ្តើមដោយធនាគារពិភពលោក (WB) និងត្រូវបាន G20 ដាក់ឱ្យប្រើប្រាស់ចាប់តាំងពីខែវិច្ឆិកា ឆ្នាំ ២០២២ បានឲ្យដឹងថា កំពុងត្រៀមរៀបចំការរៃអង្គាសថវិកាលើកដំបូងក្នុងកម្រិតសន្យាប្រមាណ១,៦ ពាន់លានដុល្លារ។

មជ្ឈដ្ឋានអ្នកជំនាញបានឲ្យដឹងថា ពិភពលោកបានដកមេរៀន​ និងបទពិសោធន៍ដ៏មានតម្លៃជាច្រើនពីជំងឺរាតត្បាតកូវីដ-១៩ ហើយការយល់ដឹងអំពីការបង្កើនការត្រៀមរៀបចំសម្រាប់ជំងឺរាតត្បាតបន្ទាប់ត្រូវបានលើកកម្ពស់។ ទោះជាយ៉ាងណាក៏ដោយ នៅមានការងារត្រូវធ្វើជាច្រើននាពេលខាងមុខ៕

តាម vovworld.vn