រដ្ឋមន្រ្តីការបរទេសនៃក្រុម G7 ចេញសេចក្ដីថ្លែងការណ៍រួមថ្កោលទោសការប្រើប្រាស់អំពើហឹង្សាទៅលើបាតុករនៅមីយ៉ាន់ម៉ា

ក្រុមបាតុករបានធ្វើបាតុកម្មប្រឆាំងជំទាស់នឹងរដ្ឋប្រហារយោធានៅទីក្រុងយ៉ាំងហ្គោនប្រទេសមីយ៉ាន់ម៉ា នៅថ្ងៃទី ២២ ខែកុម្ភៈ (រូបថត៖ REUTERS)

សេចក្ដីថ្លែងការណ៍នេះ អំពាវនាវឲ្យកងទ័ព និងប៉ូលីសមីយ៉ាន់ម៉ាមានការអត់ធ្មត់ គោរពសិទ្ធិមនុស្សនិងច្បាប់អន្តរជាតិ ហើយចាត់ទុកថា ការប្រើប្រាស់គ្រាប់ពិត ដើម្បីបង្ក្រាបប្រជាជនគ្មានអាវុធគឺមិនអាចទទួលយកបានឡើយ ហើយមិនថានរណាម្នាក់ដែលដោះស្រាយបាតុកម្មដោយអំពើហឹង្សានឹងត្រូវតែទទួលខុសត្រូវជាពុំខានឡើយ។ រដ្ឋមន្រ្តីការបរទេសនៃក្រុម G7 ក៏បានថ្កោលទោសការគំរាមកំហែងនិងការបង្ក្រាបទៅលើប្រជាជនមីយ៉ាន់ម៉ា ដែលប្រឆាំងជំទាស់នឹងរដ្ឋប្រហារ ព្រមទាំងអំពាវនាវឲ្យលុបចោលស្ថានភាពអាសន្ននៅប្រទេសនេះតែម្ដង។

សេចក្ដីថ្លែងការណ៍រួមបានបញ្ជាក់ថា ក្រុមប្រទេស G7 ថ្កោលទោសរដ្ឋប្រហារនៅមីយ៉ាន់ម៉ា ហើយអំពាវនាវឲ្យដោះលែងភ្លាមមួយរំពិច អ្នកដែលត្រូវចាប់ខ្លួនដោយគ្មានមូលដ្ឋានទាំងអស់ រួមទាំងទីប្រឹក្សារដ្ឋ លោកស្រី Aung San Suu Ky និងលោកប្រធានាធិបតី Win Myint។ ក្រុម G7 ក៏បានអះអាងនូវការបន្តគាំទ្រប្រជាជនមីយ៉ាន់ម៉ាក្នុងកិច្ចខិតខំប្រឹងប្រែងស្វែងរកប្រជាធិបតេយ្យនិងសេរីភាពផងដែរ៕

តាម vovworld.vn