សារព័ត៌មានកូរ៉េខាងជើងអះអាងឡើងវិញនូវបំណងប្រាថ្នាចង់មានសន្តិភាពរយៈពេលយូរអង្វែងនៅលើឧបទ្វីបកូរ៉េ
សារព័ត៌មាន Minju Chosun ដែលជាកាសែតប្រចាំថ្ងៃរបស់កូរ៉េខាងជើង កាលពីថ្ងៃទី ២៥ ខែមិថុនា បានចុះផ្សាយនូវអត្ថបទមួយ មានចំណងជើងថា “ចូរយើងរួមគ្នាការពារសន្តិភាពនិងសន្តិសុខនៅឧបទ្វីបកូរ៉េ” ក្នុងឱកាសខួបលើកទី ៦៩ នៃសង្គ្រាមកូរ៉េខាងជើង (២៥ មិថុនា ១៩៥០-២៥ មិថុនា ២០១៩) ដែលបានបញ្ជាក់ឡើងវិញនូវបំណងប្រាថ្នារបស់ទីក្រុងព្យុងយ៉ាង ចង់មានសន្តិភាពយូរអង្វែងនៅលើឧបទ្វីបកូរ៉េ ព្រមទាំងអំពាវនាវឲ្យកូរ៉េខាងត្បូងនិងអាម៉េរិក អនុវត្តន៍តាមសេចក្តីថ្លែងការណ៍រួមដោយឆ្ពោះទៅការលើកកម្ពស់ទំនាក់ទំនងទ្វេភាគី។