វៀតណាម៖ សេដ្ឋកិច្ចឌីជីថលនឹងមានកំណើនខ្លាំងជាងគេនៅតំបន់អាស៊ីអាគ្នេយ៍ ក្នុងដំណាក់កាល ២០២២-២០២៥
កប.អនឡាញ - នៅថ្ងៃទី ២៧ ខែតុលា Google, Temasek និង Bain & Company បានចេញផ្សាយរបាយការណ៍ថ្មីបំផុត ដែលបង្ហាញថា សេដ្ឋកិច្ចឌីជីថលកំពូលទាំង ៦ របស់អាស៊ីអាគ្នេយ៍បានកើនឡើងលឿនជាងការរំពឹងទុកក្នុងឆ្នាំ ២០២២ ដែលប៉ាន់ស្មានថា សម្រេចបានតម្លៃផ្លាស់ប្តូរទំនិញសរុប (GMV) ចំនួន ២០០ ពាន់លានដុល្លារអាមេរិកនៅឆ្នាំនេះ។
ក្នុងនោះ របាយការណ៍បានកត់សម្គាល់ថា វៀតណាមនឹងក្លាយជាប្រទេសសេដ្ឋកិច្ចឌីជីថលដែលរីកលូតលាស់លឿនបំផុតក្នុងដំណាក់កាល ២០២២-២០២៥។ យោងតាមរបាយការណ៍ "e-Conomy SEA ២០២២" ក្រុមប្រទេសសេដ្ឋកិច្ចឌីជីថលឈានមុខគេចំនួន ៦ នៅក្នុងតំបន់ រួមមាន ឥណ្ឌូណេស៊ី ម៉ាឡេស៊ី ហ្វីលីពីន សិង្ហបុរី ថៃ និងវៀតណាម នឹងសម្រេចបាននូវគោលដៅចំនួន ២០០ ពាន់លានដុល្លាអាមេរិក គឺលឿនជាង ៣ ឆ្នាំ តាមការរំពឹងទុក។
|
|
រូបថតឧទាហរណ៍ (weforum.org) |
លោក Stephanie Davis អនុប្រធានរបស់ Google សម្រាប់តំបន់អាស៊ីអាគ្នេយ៍បានឲ្យដឹងថា ក្រោយបើកដំណើរការឡើងវិញបន្ទាប់ពីជំងឺរាតត្បាត ទោះបីជាទំនាក់ទំនងពាណិជ្ជកម្មនៅតាមហាងប្រពៃណីបានកើនឡើងលើសពីកម្រិតមុនការរាតត្បាត នៅក្នុងប្រទេសជាច្រើនក៏ដោយ ក៏ប៉ុន្តែសេដ្ឋកិច្ចឌីជីថលនៅតែកើនឡើង ២០% បើប្រៀបធៀបទៅនឹងឆ្នាំមុន។
លើសពីនេះ របាយការណ៍បានសង្កត់ធ្ងន់ថា ពាណិជ្ជកម្មអេឡិចត្រូនិកនៅតែបន្តជាគំនាស់នៃកំណើន ទោះបីជាទម្រង់ពាណិជ្ជកម្មបែបប្រពៃណីបានស្តារឡើងវិញជាបណ្តើរៗ បន្ទាប់ពីវិធានការរឹតត្បិតបង្ការជំងឺរាតត្បាតត្រូវបានរុះរើចេញ៕
បកប្រែដោយ Thanh Cong