វៀតណាមអញ្ជើញជាអធិបតីនៃកិច្ចប្រជុំក្រុមទទួលបន្ទុកគំនិតផ្តួចផ្តើមតភ្ជាប់អាស៊ាន
កប.អនឡាញ - នាថ្ងៃទី ២២ មិថុនា លោកឯកអគ្គរដ្ឋទូត Nguyen Hai Bang ប្រធានស្ថានបេសកកម្មអចិន្ត្រៃយ៍វៀតណាមប្រចាំអាស៊ាន បានអញ្ជើញជាអធិបតីនៃកិច្ចប្រជុំ លើកទី ៦៤ នៃក្រុមទទួលបន្ទុកគំនិតផ្តួចផ្តើមតភ្ជាប់អាស៊ាន (IAI) តាមប្រព័ន្ធវីដេអូ ក្នុងនាមជាប្រធានក្រុមទទួលបន្ទុក (IAI) នៅឆ្នាំ ២០២១។
នៅក្នុងជំនួបនេះ លោកឯកអគ្គរដ្ឋទូត Nguyen Hai Bang បានវាយតម្លៃខ្ពស់ចំពោះការអនុវត្តគម្រោង IAI ក៏ដូចជាលទ្ធផលនៃសិក្ខាសាលាថ្នាក់តំបន់ស្តីពី IAI នៅថ្ងៃទី ២១ ខែឧសភា ឆ្នាំ ២០២១ និងវេទិកាភាគីចូលរួម IAI នៅថ្ងៃទី ៨ ខែមិថុនា ឆ្នាំ ២០២១ ដែលនេះជាមូលដ្ឋានសម្រាប់អនុវត្តគម្រោង IAI ប្រកបដោយប្រសិទ្ធភាពនៅពេលខាងមុខនេះ។
|
|
ទិដ្ឋភាពនៃកិច្ចប្រជុំ (រូបថត៖ vnanet.vn) |
នាពេលខាងមុខនេះ ក្រុមទទួលបន្ទុក IAI បានឯកភាពគ្នាបន្តពន្លឿនការអនុវត្តផែនការការងារ IAI ដំណាក់កាលទី ៤ និងគ្រោងរៀបចំកិច្ចប្រជុំលើកទី ៦៥ នៃក្រុមទទួលបន្ទុក IAI និងកិច្ចប្រជុំពិគ្រោះយោបល់ភាពជាដៃគូ IAI លើកទី ១១ នៅថ្ងៃទី ១១ ខែកញ្ញាឆ្នាំ ២០២១។
IAI ត្រូវបានអនុម័តដោយបណ្តាប្រទេសអាស៊ានក្នុងឆ្នាំ ២០០០ ដោយមានគោលដៅបង្រួមគម្លាតអភិវឌ្ឍន៍រវាងបណ្តាប្រទេសអាស៊ាន និងជួយដល់សមាជិកថ្មីដែលជាបណ្តាប្រទេស CLMV (កម្ពុជា ឡាវ មីយ៉ាន់ម៉ា និងវៀតណាម) ដើម្បីធ្វើសមាហរណកម្មពេញលេញទៅក្នុងសេដ្ឋកិច្ចក្នុងតំបន់៕
បកប្រែដោយ Duy Hoan