អាស៊ាន និងចិនប្តេជ្ញាពង្រឹងកិច្ចសហប្រតិបត្តិការលើវិស័យជាច្រើនប្រកបដោយជាក់ស្តែង
កប.អនឡាញ - កិច្ចប្រជុំពិសេសរដ្ឋមន្ត្រីការបរទេសអាស៊ាន - ចិន ដែលធ្វើឡើងក្នុងឱកាសរំលឹកខួបលើកទី ៣០ នៃទំនាក់ទំនងភាពជាដៃគូ (១៩៩១-២០២១) នៅទីក្រុង Chong Qing ប្រទេសចិន បានចេញសេចក្តីថ្លែងការណ៍របស់សហប្រធាន។ នៅក្នុងសេចក្តីថ្លែងការណ៍ អាស៊ាននិងចិនបានវាយតម្លៃចំពោះការអភិវឌ្ឍ និងសមិទ្ធិផលក្នុងទំនាក់ទំនងទ្វេភាគី ព្រមទាំងបញ្ជាក់ពីការប្តេជ្ញាចិត្តពង្រឹងកិច្ចសហប្រតិបត្តិការលើវិស័យជាច្រើនប្រកបដោយជាក់ស្តែង ដើម្បីការអភិវឌ្ឍ និងវិបុលភាពរួម។