កម្ពុជាចេញបទប្បញ្ញត្តិថ្មីសម្រាប់អ្នកដំណើរចូលក្នុងប្រទេស
កប.អនឡាញ - ទីភ្នាក់ងារសារព័ត៌មានវៀតណាមប្រចាំនៅទីក្រុងភ្នំពេញ បានដកស្រង់សេចក្តីជូនដំណឹងពីក្រសួងសុខាភិបាលកម្ពុជាបានឲ្យដឹងថា ភ្ញៀវទេសចរអន្ដរជាតិ និងអ្នកដំណើរដែលបានចាក់វ៉ាក់សាំងកូវីដ-១៩ ពេញលេញ និងមានលទ្ធផលក្នុងការធ្វើតេស្ត PCR អវិជ្ជមានចូលក្នុងប្រទេសកម្ពុជាអាចធ្វើដំណើរដោយសេរី។
    |
 |
|
បុគ្គលិកពេទ្យចាក់វ៉ាក់សាំងកូវីដ-១៩ ជូនប្រជាពលរដ្ឋ (រូបថត៖ vnanet.vn) |
ដើម្បីស្ដារវិស័យទេសចរណ៍ឡើងវិញប្រកបដោយសុវត្ថិភាព នៅថ្ងៃទី ១៧ ខែវិច្ឆិកា ក្រសួងសុខាភិបាលកម្ពុជាបានជូនដំណឹងអំពីលក្ខខណ្ឌនៃការធ្វើដំណើរ និងបទប្បញ្ញត្តិផ្នែកពេទ្យសម្រាប់ភ្ញៀវទេសចរ និងអ្នកដំណើរដែលចូលក្នុងប្រទេសកម្ពុជា។
ក្នុងករណីដែលអ្នកទេសចរមានលទ្ធផលធ្វើតេស្តកូវីដ-១៩ វិជ្ជមាននឹងត្រូវបានព្យាបាលនៅមណ្ឌលសុខភាពដែលរៀបចំដោយក្រសួងសុខាភិបាលកម្ពុជា។
គិតត្រឹមថ្ងៃទី ១៦ ខែវិច្ឆិកា កម្ពុជាបានចាក់វ៉ាក់សាំងកូវីដ-១៩ ជូនប្រជាពលរដ្ឋនិងជនបរទេសជាង ១៤ លាននាក់ មានអាយុពី ៥ ឆ្នាំឡើងទៅ ដែលកំពុងរស់នៅក្នុងប្រទេសកម្ពុជា ស្មើនឹងជិត ៨៨% នៃចំនួនប្រជាជនសរុប៕
បកប្រែដោយ Pham Diep