អ៊ីស្រាអែលនិងអាជ្ញាធរប៉ាឡេស្ទីនបើកកិច្ចប្រជុំទ្វេភាគីលើកដំបូងក្រោយរយៈពេលប្រាំមួយខែ

សំណង់ដែលកំពុងសាងសង់នៅតំបន់ West Bank (រូបថត៖ AFP / VNA)

នៅថ្ងៃទី ១៩ ខែវិច្ឆិកា អាជ្ញាធរប៉ាឡេស្ទីន (PA) និងមន្រ្តីអ៊ីស្រាអែលបានបើកកិច្ចប្រជុំទ្វេភាគីលើកដំបូងបន្ទាប់ពី PA បានប្រកាសការបន្តទំនាក់ទំនងជាមួយអ៊ីស្រាអែលក្រោយពីការធ្វើពហិការរយៈពេល ៦ ខែ លើផែនការរួមបញ្ចូលតំបន់ West Bank របស់អ៊ីស្រាអែល។  រដ្ឋមន្រ្តីទទួលបន្ទុកបញ្ហាពលរដ្ឋប៉ាឡេស្ទីនលោក Hussein al-Sheikh បានជួបជាមួយលោក Kamil Abu Rukun អ្នកសម្របសម្រួលសកម្មភាពរបស់រដ្ឋាភិបាលអ៊ីស្រាអែលនៅតំបន់ដែនដីប៉ាឡេស្ទីនស្ថិតក្នុងទីក្រុង Ramallah ។ នៅក្នុងសេចក្តីប្រកាសព័ត៌មានមួយ លោក Hussein al-Sheikh បាននិយាយថា​ ភាគីទាំងពីរបានព្រមព្រៀងគ្នាផ្ទេរប្រាក់ចំណូលពន្ធទាំងអស់ដែលប្រជាជនប៉ាឡេស្ទីនបដិសេធមិនទទួលយកកាលពី ៦ ខែមុន ចូលទៅក្នុងថវិការបស់ PA៕

តាម vovworld.vn