អាមេរិកមានបំណងចង់សហការជាមួយរុស្ស៊ីដើម្បីធ្វើឱ្យស្ថានភាពនៅលីប៊ីប្រកបដោយស្ថេរភាពឲ្យបានឆាប់ៗ
សហរដ្ឋអាមេរិកមានបំណងចង់សហការជាមួយប្រទេសរុស្ស៊ីក្នុងការស្វែងរកវិធានការបញ្ចប់ជម្លោះនៅលីប៊ីឲ្យបានឆាប់ៗ។ ការអះអាងពោលខាងលើនេះ ត្រូវបានលើកឡើងដោយរដ្ឋមន្រ្តីការបរទេសអាមេរិកលោក Mike Pompeo កាលពីថ្ងៃទី ១១ ខែធ្នូ ពោលគឺមួយថ្ងៃបន្ទាប់ពីកិច្ចពិភាក្សាជាមួយសមភាគីរុស្ស៊ីលោក Sergei Lavrov ដែលក្នុងនោះទីក្រុងវ៉ាស៊ីនតោនបានក្រើនរំលឹកទីក្រុងម៉ូស្គូអំពីបទបញ្ជាមួយស្តីពីការហ៊ុំព័ទ្រសព្វាវុធមួយប្រឆាំងទៅលើលីប៊ីផងដែរ។