វប្បធម៌ដ៏ចម្លែករបស់ជនជាតិ Dao នៅខេត្ដ Bac Kan
កប.អនឡាញ - បច្ចុប្បន្ន ជនជាតិ Dao មានជិត ២០% នៃប្រជាជននៅខេត្ត Bac Kan។ ក្នុងរយៈពេលប៉ុន្មានឆ្នាំថ្មីៗនេះ ទោះបីជារងផលប៉ះពាល់អវិជ្ជមាន នៃយន្តការទីផ្សារក៏ដោយ ក៏ជនជាតិ Dao នៅខេត្ដ Bac Kan នៅតែរក្សាបានពិធីបុណ្យទទួលស្គាល់ការពេញវ័យសម្រាប់បុរសដែលជាពិធីបុណ្យមួយដែលមិនអាចខ្វះបានឡើយ។
|
|
គ្រូធ្មប់រៀបចំពិធី "បញ្ចូលព្រលឹង" |
នេះគឺជាបុណ្យមួយក្នុងចំណោមបុណ្យសំខាន់បំផុតសម្រាប់បុរសជនជាតិ Dao។ បន្ទាប់ពីធ្វើបុណ្យនេះរួច បុរសជនជាតិ Dao នោះ ទើបបានគេទទួលស្គាល់ថាជាអ្នកពេញវ័យ និងក្លាយទៅជាមនុស្សដែលមានតួនាទីក្នុងសង្គមពិតមែន។ វប្បធម៌ដ៏ចម្លែកនេះ គេរក្សាពីជំនាន់ជាច្រើនមកក្នុងសហគមន៍ជនជាតិ Dao ។
នៅខែ ១ និងខែ ២ តាមច័ន្ទគតិ គឺជាពេលវេលាដែលជនជាតិ Dao រៀបចំបុណ្យទទួលស្គាល់ការពេញវ័យ។ បុណ្យនេះត្រូវបានគេរៀបចំបុណ្យតូចៗជាច្រើនទៀតដែលមានខ្លឹមសារ និងអត្ថន័យខុសគ្នា និងត្រូវបានអនុវត្ដដោយគ្រូធ្មប់ ដែលក្នុងនោះ ការទទួលស្គាល់ការពេញវ័យសម្រាប់បុរសគឺជាពិធីការសំខាន់បំផុត។ ទំនៀមទំលាប់នេះមានលក្ខណៈអប់រំដល់ជំនាន់ក្រោយ ៗ មិនត្រូវបំភ្លេចបុព្វបុរស មិនត្រូវប្រព្រឹត្ដអំពើអាក្រក់ឡើយ។
ខ្លឹមសារនៃការអប់រំរួមមាន កត្តញ្ញូតាធម៌ចំពោះឪពុកម្ដាយ គោរពគ្រូបង្រៀន ប្ដីប្រព័ន្ធស្មោះត្រង់នឹងគ្នា រាប់អានមិត្ដភក្ដិ និងបងប្អូននិងមិនលួចទ្រ័ព្យសម្បត្តិគេ។
បុណ្យនេះគឺជាលក្ខណៈជំនឿសាសនាដ៏ល្អប្រសើររបស់ជនជាតិ Dao នៅខេត្ត Bac Kan និយាយដោយឡែក និងសហគមន៍ជនជាតិ Dao និយាយរួម ហើយបង្ហាញពីបំណងប្រាថ្នា និងក្តីសុបិនរបស់ប្រជាជនលើពិភពលោកមួយស្រស់ស្អាត សុខសាន្ដនិងសុភមង្គល។ ពិធីបុណ្យរបស់ជនជាតិ Dao នៅខេត្ត Bac Kan ត្រូវបានបញ្ចូលទៅក្នុងបញ្ជីបេតិកភ័ណ្ឌវប្បធម៌អរូបីជាតិដោយក្រសួងវប្បធម៌កីឡានិងទេសចរណ៍វៀតណាម រួមចំណែកក្នុងការអភិរក្សនិងបន្ដរក្សាទៅថ្ងៃក្រោយជារៀងរហូត៕
បកប្រែដោយ Pham Diep