ជម្រុញកិច្ចសហប្រតិបត្តិការរវាង EU និងបណ្ដាប្រទេស ដើម្បីកាត់បន្ថយកាកសំណល់ប្លាស្ទិកនៅសមុទ្រ
កប.អនឡាញ - នាព្រឹកថ្ងៃទី៩ ខែមេសា នៅទីក្រុងហាណូយ ក្រសួងធនធាននិងបរិស្ថានវៀតណាមបានសហការជាមួយក្រុមបេសកកម្មសហភាពអឺរ៉ុប (EU) ប្រចាំនៅវៀតណាម និងស្ថាប័នបារាំងសម្រាប់កិច្ចសហប្រតិបត្តិការលើវិស័យបច្ចេកទេស(EF) និងអង្គការអាល្លឺម៉ង់ សម្រាប់កិច្ចសហប្រតិបត្តិការអភិវឌ្ឍ (GIZ) ចាប់ផ្តើមសកម្មភាពនៃគម្រោង “គិតម្តងទៀតអំពីប្លាស្ទិក - ដំណោះស្រាយសេដ្ឋកិច្ចវិលជុំសម្រាប់កាកសំណល់ប្លាស្ទិកនៅសមុទ្រ”។
ក្នុងក្របខ័ណ្ឌនៃគម្រោង EU នឹងសហការយ៉ាងជិតស្និទ្ធជាមួយវៀតណាម ដើម្បីការពារកាកសំណល់ប្លាស្ទិកមហាសមុទ្រ និងចែករំលែកបទពិសោធន៍របស់បណ្ដាប្រទេសនៅអឺរ៉ុប។ យោងតាមប្រធាននាយកដ្ឋានសហប្រតិបត្តិការអន្តរជាតិ នៃក្រសួងធនធាននិងបរិស្ថានវៀតណាម លោក Pham Phu Binh បានឲ្យដឹងថា រដ្ឋាភិបាលវៀតណាមនិយាយរួម ក្រសួងធនធាននិងបរិស្ថានវៀតណាមនិយាយដោយឡែក នឹងផ្តោតទៅលើការស្វែងរកដំណោះស្រាយដើម្បីកាត់បន្ថយបំពុលប្លាស្ទិក និងជម្រុញសេដ្ឋកិច្ចវិលជុំ៕
បកប្រែដោយ Thuy Anh