លើកកំពស់គុណភាពរបស់កម្មាភិបាលជាជនជាតិភាគតិច
កប.អនឡាញ - Soc Trang គឺជាខេត្តមួយរបស់វៀតណាមដែលមានជនជាតិភាគតិចច្រើនក្នុងនោះមាន ៣១% ជាជនជាតិខ្មែរ។ ក្នុងរយៈពេលកន្លងមក ខេត្តបានយកចិត្តទុកដាក់ និងមានគោលនយោបាយ និងដំណោះស្រាយជាច្រើនដើម្បីបណ្តុះបណ្តាល និងប្រើប្រាស់កម្មាភិបាលជាជនជាតិភាគតិច។ តាមរយៈការងារជាក់ស្តែងនៅមូលដ្ឋាន ជួរកម្មាភិបាលជាជនជាតិភាគតិចបានអះអាងពីតួនាទីស្នូលរបស់ខ្លួន រួមចំណែកក្នុងការលើកកម្ពស់ការអភិវឌ្ឍសេដ្ឋកិច្ច សង្គម ថែរក្សាសន្តិសុខនយោបាយ សណ្តាប់ធ្នាប់សង្គមនៅមូលដ្ឋាន។
ត្រឡប់មកឃុំ An Hiep ស្រុក Chau Thanh ជាកន្លែងដែលមានជនជាតិខ្មែរជិត ១ ម៉ឺនគ្រួសារ យើងមានការភ្ញាក់ផ្អើលចំពោះការអភិវឌ្ឍគួរឱ្យចាប់អារម្មណ៍នៅទីនេះ។ ជួបសំណេះសំណាលជាមួយបងប្អូនជនរួមជាតិ យើងបានដឹងថា មុខមាត់ស្រុកកំណើតមានការផ្លាស់ប្តូរ ជីវភាពរស់នៅរបស់ប្រជាជនកាន់តែរីកចំរើនគឺដោយសារមានការរួមចំណែករបស់កម្មាភិបាលជាជនជាតិភាគតិច ដូចជាលោកស្រី Tran Thi Quyen ប្រធានគណៈកម្មាធិការរណសិរ្សភូមិ Bung Trop A ឃុំ An Hiep។ ជាជនជាតិខ្មែរម្នាក់មានចំណេះដឹងអំពីភាសា វប្បធម៌ និងទំនៀមទម្លាប់របស់ជនជាតិភាគតិច លោកស្រី Quyen មានភាពងាយស្រួលក្នុងការងារចលនាមហាជន។ នៅពេលដែលមូលដ្ឋានអនុវត្តគោលដៅកសាងជនបទថ្មី លោកស្រីបានអំពាវនាវគ្រួសារទាំងឡាយឲ្យបរិច្ចាគដីដើម្បីសាងសង់ផ្លូវជនបទ កែលំអច្បារចំការ ផ្លាស់ប្តូរដំណាំ និងអភិវឌ្ឍសេដ្ឋកិច្ចតាមក្រុមគ្រួសារ ...
|
|
កម្មាភិបាលជាជនជាតិភាគតិចរបស់ខេត្ត Soc Trang មកផ្សព្វផ្សាយប្រជាជនឲ្យចូលរួមកសាងជនបទថ្មី |
យោងតាមការស្ថិតិឲ្យដឹងថា ទូទាំងខេត្ត Soc Trang មានកម្មាភិបាលជាជនជាតិភាគតិចជិត ៦,០០០ នាក់ស្មើនឹង ២២.៩១% នៃចំនួនកម្មាភិបាលទាំងអស់។ ក្នុងនោះ ជនជាតិខ្មែរចំនួន ៤,៨៦៩ នាក់ ជនជាតិចិនចំនួន ១,០៥២ នាក់ និងជនជាតិផ្សេងៗទៀតចំនួន ១៣ នាក់។ ក្នុងអំទ្បុងឆ្នាំ ២០១៦-២០២១ ខេត្តមានសមាជិកសភាចំនួនពីររូប សមាជិកក្រុមប្រឹក្សាប្រជាជនខេត្តចំនួន ១១ រូប សមាជិកក្រុមប្រឹក្សាប្រជាជនថ្នាក់ស្រុកចំនួន ៥៨ រូប និងសមាជិកក្រុមប្រឹក្សាប្រជាជនថ្នាក់ឃុំចំនួន ៣៩៤ រូប ជាជនជាតិភាគតិច។ ខេត្តទាំងមូលមានកម្មាភិបាលជាជនជាតិភាគតិចកាន់តួនាទីជាអ្នកដឹកនាំគ្រប់គ្រងចំនួន ៣៩៤ នាក់ ហើយមានប្រជាជនខ្មែរជាង ១២៦,០០០ នាក់ជាសមាជិកនៃអង្គការសង្គមនានានៅមូលដ្ឋាន។
លោក Ly Binh Cang ប្រធានគណៈកម្មាធិការជនជាតិភាគតិចខេត្ត Soc Trang បានអោយដឹងថា៖ "នាពេលថ្មីៗនេះ កម្មាភិបាលជាជនជាតិភាគតិចបានលើកកម្ពស់តួនាទីជាអ្នកដឹកនាំគ្រប់គ្រង ហើយចូលរួមយ៉ាងសកម្មក្នុងការកសាងជីវភាពវប្បធម៌ ធានាសន្តិសុខនយោបាយ សណ្ដាប់ធ្នាប់សង្គមនៅមូលដ្ឋាន។ ចំនួនកម្មាភិបាលជាជនជាតិភាគតិចដែលចាត់បញ្ជូនទៅបណ្តុះបណ្តាលរួចបានត្រឡប់មកកាន់មុខតំណែង និងតួនាទីសមស្រប ហើយបំពេញបានល្អតាមតម្រូវការនៃភារកិច្ចរបស់ខ្លួន»៕
បកប្រែដោយ Duy Hoan