ក្រុមហ៊ុនអាកាសចរណ៍អន្តរជាតិមីយ៉ាន់ម៉ា បើកជើងហោះហើរពីទីក្រុង Yangon ទៅកាន់ទីក្រុងហាណូយ
កប.អនឡាញ - តំណាងថ្នាក់ដឹកនាំអាកាសយានដ្ឋានអន្តរជាតិ Noi Bai ទើបតែបានជូនដំណឹងថា នារសៀលថ្ងៃទី ១៩ ខែកញ្ញា ក្រុមហ៊ុនអាកាសចរណ៍អន្តរជាតិ Myanmar Airways International (MAI) ចាប់ផ្ដើមបើកជើងហោះហើរពីទីក្រុង Yangon (មីយ៉ាន់ម៉ា) ទៅកាន់ប្រទេសវៀតណាម តាមអាកាសយានដ្ឋានអន្តរជាតិ Noi Bai។
នាវេលាម៉ោង ១៦:២០ នាទី ថ្ងៃទី១៩ ខែកញ្ញា ជើងហោះហើរលេខ 8M450 យន្តហោះ Embraer 190 របស់ក្រុមហ៊ុនអាកាសចរណ៍អន្តរជាតិមីយ៉ាន់ម៉ា ដែលចាកចេញពីទីក្រុង Yangon បានចុះចតនៅអាកាសយានដ្ឋានអន្តរជាតិ Noi Bai បើកជាផ្លូវការនូវជើងហោះហើរពាណិជ្ជកម្មអន្តរជាតិ Yangon-Hanoi ដោយមានជើងហោះហើរចំនួនពីរជើងក្នុងមួយសប្តាហ៍នៅថ្ងៃចន្ទ និងថ្ងៃសុក្រ ហើយពេលវេលាហោះហើរពីទីក្រុង Yangon ទៅទីក្រុងហាណូយគឺអស់រយៈពេលប្រហែលពីរម៉ោង។
|
|
ជើងហោះហើររបស់ក្រុមហ៊ុនអាកាសចរណ៍អន្តរជាតិមីយ៉ាន់ម៉ាចុះចតនៅអាកាសយានដ្ឋានអន្តរជាតិ Noi Bai (រូបថត៖ NIA) |
តាមគម្រោង ចាប់ពីថ្ងៃទី២២ ខែកញ្ញា ក្រុមហ៊ុនអាកាសចរណ៍នេះនឹងបន្តបើកផ្លូវហោះហើរពីទីក្រុង Yangon ទៅកាន់ទីក្រុងហូជីមិញ ដោយមានជើងហោះហើរមួយជើងក្នុងមួយសប្តាហ៍នៅថ្ងៃព្រហស្បតិ៍។
ក្រុមហ៊ុនអាកាសចរណ៍អន្តរជាតិមីយ៉ាន់ម៉ា គឺជាក្រុមហ៊ុនអាកាសចរណ៍អន្តរជាតិថ្មីមួយក្នុងចំណោមក្រុមហ៊ុនអាកាសចរណ៍អន្តរជាតិថ្មីចំនួន៣ ដែលបើកជើងហោះហើរទៅកាន់ទីក្រុងហាណូយ ក្រោយជំងឺ COVID-19 ដែលជាការកត់សម្គាល់ដំណើរការបើកឡើងវិញនូវជើងហោះហើរអន្តរជាតិនៅអាកាសយានដ្ឋានអន្តរជាតិ Noi Bai (ក្រុមហ៊ុនអាកាសចរណ៍ពីមុនដូចជា Cambodia Angkor Air និង Thai Smile Airways បានបើកជើងហោះហើរទៅកាន់ទីក្រុងហាណូយ)។
ព្រឹត្តិការណ៍ដែលក្រុមហ៊ុនអាកាសចរណ៍ MAI បើកផ្លូវហោះហើរទៅកាន់ប្រទេសវៀតណាមនឹងតភ្ជាប់មណ្ឌលពាណិជ្ជកម្មដ៏ធំបំផុតរបស់ប្រទេសមីយ៉ាន់ម៉ាជាមួយរដ្ឋធានីហាណូយ បើកឱកាសសម្រាប់ការផ្លាស់ប្តូរសេដ្ឋកិច្ច វប្បធម៌ និងទេសចរណ៍រវាងប្រជាជនទាំងពីរ៕
បកប្រែដោយ Thanh Cong