ពិធីបើកសម្ពោធស្ដង់វៀតណាមនៅពិព័រណ៌ផ្សារណាត់អន្តរជាតិទីក្រុង Algiers
កប.អនឡាញ - នាថ្ងៃទី១៤ មិថុនា នៅមជ្ឈមណ្ឌលតាំងពិព័រណ៌អន្តរជាតិ Safex នៅទីក្រុង Algiers ស្ថានទូតវៀតណាមប្រចាំនៅអាល់ហ្សេរី សហការជាមួយការិយាល័យពាណិជ្ជកម្មវៀតណាមប្រចាំនៅអាល់ហ្សេរី បានកាត់ខ្សែបូបើកសម្ពោធស្ដង់វៀតណាមក្នុងពិព័រណ៌ផ្សារណាត់អន្តរជាតិប្រចាំឆ្នាំដ៏ធំបំផុតនៅប្រទេសអាហ្វ្រិកខាងជើងនេះ។
ពិព័រណ៌ផ្សារណាត់អន្តរជាតិ ទីក្រុង Algiers លើកទី៥៣ ត្រូវបានបើកជាសាធារណៈចាប់ពីថ្ងៃទី១៤ ដល់ថ្ងៃទី១៧ ខែមិថុនា ក្រោមប្រធានបទ "ភាពជាដៃគូយុទ្ធសាស្ត្រ"។
|
|
ពិព័រណ៌ផ្សារណាត់ត្រូវបានបើកពីថ្ងៃទី១៤ ដល់ថ្ងៃទី១៧ ខែមិថុនា (រូបថត៖ vovworld.vn) |
ពិព័រណ៌ផ្សារណាត់ឆ្នាំនេះទាក់ទាញការចូលរួមរបស់សហគ្រាសចំនួន ៦៨៩ ក្នុងនោះមានក្រុមហ៊ុនបរទេសចំនួន ១៨៧ ដែលប្រតិបត្តិការលើគ្រប់វិស័យថាមពល សំណង់ កសិកម្ម ឧស្សាហកម្ម សេវាកម្ម វាយនភណ្ឌ អេឡិចត្រូនិច អាកាសចរណ៍ បរិស្ថាន និងការអប់រំ។ល។
នៅក្នុងពិព័រណ៌នេះ ក្រៅពីផលិតផលពិសេសរបស់វៀតណាមដូចជា អង្ករ តែ កាហ្វេ សំលៀកបំពាក់ប្រពៃណីដូចជា អាវផាយ ឬដួននោះ ស្តង់របស់វៀតណាមនៅតាំងបង្ហាញទំនិញសិប្បកម្មវិចិត្រសិល្បៈ និងមុខម្ហូបវៀតណាមទៀតផង។ នៅថ្ងៃបើកដំបូង ស្ដង់វៀតណាមបានទាក់ទាញទស្សនិកជនជាច្រើនកុះករមកទស្សនា។ ទស្សនិកជនជាច្រើន បានកោតសរសើរ និងចង់ទិញផលិតផលវៀតណាមមួយចំនួនដែលពួកគេធ្លាប់ទិញនៅក្នុងពិព័រណ៌លើកមុន៕
បកប្រែដោយ Thuy Anh