វៀតណាមបណ្តាក់ទុនវិនិយោគជាង ៨១៥ លានដុល្លារក្នុងគម្រោងថាមពល និងអណ្តូងរ៉ែនៅខេត្ត Attapeu ប្រទេសឡាវ
កប.អនឡាញ - កាសែត Vientiane Times កាលពីថ្ងៃទី៩ ខែមិថុនា បានចុះផ្សាយអត្ថបទមួយ ដែលបញ្ជាក់ថា វៀតណាមបានបណ្តាក់ទុនវិនិយោគជាង ៨១៥ លានដុល្លារអាមេរិកក្នុងគម្រោងវារីអគ្គិសនី និងការរុករករ៉ែនៅក្នុងខេត្ត Attapeu ភាគខាងត្បូងប្រទេសឡាវ។
នាយកមន្ទីរថាមពល និងរ៉ែ នៃខេត្ត Attapeu លោក Vithaya Phommachanh បានឲ្យដឹងថា ក្នុងចំណោមទឹកប្រាក់ចំនួនជាង ៨០០ លានដុល្លារខាងលើ មាន ៣០.៨ លានដុល្លារសម្រាប់ស្ថានីយបញ្ជូនថាមពល ហើយ ៦៩១ លានដុល្លារសម្រាប់វិស័យថាមពល និង ៩៣.៣ លានដុល្លារសម្រាប់វិស័យរុករករ៉ែ។
|
|
ទំនប់វារីអគ្គិសនី Xayaburi របស់ប្រទេសឡាវ នៅលើដងទន្លេមេគង្គ (រូបថត៖ ThaiPBS) |
បើតាមលោក Vithaya ការវិនិយោគលើវិស័យថាមពល ក្នុងគោលបំណងអភិវឌ្ឍរោងចក្រវារីអគ្គិសនី Xekaman លេខ១, រោងចក្រវារីអគ្គិសនី Xekaman Sanxay, រោងចក្រវារីអគ្គិសនី Xekong Loum A និងរោងចក្រវារីអគ្គិសនី Xekong Loum B។ រោងចក្រទាំងនេះរំពឹងថានឹងបញ្ចប់នៅឆ្នាំ២០២៥។
យោងតាមកាសែត Vientiane Times បច្ចុប្បន្នក្រុមហ៊ុនវៀតណាមមានគម្រោងវិនិយោគចំនួន ៤១៧ នៅក្នុងប្រទេសឡាវ ដែលមានតម្លៃសរុបចំនួន ៤.៣ ពាន់លានដុល្លារ។ វៀតណាមស្ថិតនៅចំណាត់ថ្នាក់ទី ៣ ក្នុងចំណោមប្រទេស និងដែនដីចំនួន ៥៤ ដែលកំពុងវិនិយោគនៅប្រទេសឡាវ៕
បកប្រែដោយ Huyen Trang