ការនាំចេញជលផលទៅកាន់សហភាពអឺរ៉ុបបានទាញយកផលប្រយោជន៍ជាច្រើនពីកិច្ចព្រមព្រៀង EVFTA
កប.អនឡាញ - ការនាំចេញជលផលរបស់វៀតណាមទៅកាន់ទីផ្សារសហភាពអឺរ៉ុបក្នុងឆមាសទី១ នៃឆ្នាំនេះសម្រេចបានជាង ៤៨៦ លានដុល្លារអាមររិក ពោលគឺកើនឡើង ២០ ភាគរយ។
បច្ចុប្បន្ន ទីផ្សារសហភាពអឺរ៉ុបគឺជាទីផ្សារនាំចេញជលផលធំទី ៤ របស់វៀតណាមស្មើនឹង ១១% ។ ក្នុងនោះប្រទេសហូល្លង់ អាល្លឺម៉ង់ ប៊ែលហ្សិក និងអ៊ីតាលីគឺជាទីផ្សារសំខាន់សម្រាប់ការប្រើប្រាស់បង្គា និងត្រីធូណារបស់វៀតណាម។ លោក Luong Hoang Thai ប្រធាននាយកដ្ឋានពាណិជ្ជកម្មពហុភាគីនៃក្រសួងឧស្សាហកម្ម និងពាណិជ្ជកម្មវៀតណាមបានមានប្រសាសន៍ថា ជលផលគឺជាទំនិញមួយក្នុងចំណោមទំនិញដែលទាញយកបានផលប្រយោជន៍ជាច្រើនពីកិច្ចព្រមព្រៀងពាណិជ្ជកម្មសេរីរវាងវៀតណាម និងសហភាពអឺរ៉ុប (EVFTA) ក្នុងរយៈពេល ១ ឆ្នាំកន្លងមក ចាប់តាំងពីកិច្ចព្រមព្រៀងនេះចូលជាធរមាន។ លោក Luong Hoang Thai បានមានប្រសាសន៍ទៀតថា៖ “ជលផលគឺជាវិស័យមួយដែលមានតម្លៃបន្ថែមខ្ពស់ណាស់ និងជាវិស័យដែលជួយយើងផ្លាស់ប្តូររចនាសម្ព័ន្ធនៃការនាំចេញ។ នៅក្នុងឆមាសទី ១ នៃឆ្នាំដំបូងដែលអនុវត្តកិច្ចព្រមព្រៀងនេះ សមត្ថភាពទាញយកផលប្រយោជន៍សម្រេចបានជាង ៧០% បើប្រៀបធៀបនឹងទំហំនាំចេញសរុបរបស់វៀតណាមទៅទីផ្សារសហភាពអឺរ៉ុប ដែលនេះជាតួលេខដ៏ល្អប្រសើ បើប្រៀបធៀបនឹងកិច្ចព្រមព្រៀងផ្សេងៗទៀត៕
បកប្រែដោយ Duy Hoan