ផលិតផលចេករបស់វៀតណាមចាប់ផ្តើមទាក់ទាញចំណាប់អារម្មណ៍របស់អតិថិជនជប៉ុន
កប.អនឡាញ - នាថ្ងៃទី ២៧ ខែមិថុនា សប្ដាហ៍ផលិតផលវៀតណាមនៅជប៉ុនបានបញ្ចប់ជាផ្លូវការដោយចេកវៀតណាមចាប់ផ្តើមទាក់ទាញចំណាប់អារម្មណ៍របស់អតិថិជនជប៉ុន។
ក្នុងរយៈពេល ៣ ថ្ងៃដែលប្រព្រឹត្តទៅព្រឹត្តិការណ៍នេះ រួមជាមួយផ្លែគូលែន និងផ្លែស្រកានាគ ចេកវៀតណាមក៏បានទាក់ទាញចំណាប់អារម្មណ៍របស់អតិថិជនជប៉ុនដែរ។ លោក Katsuhiko Dan ជាបុគ្គលិកការិយាល័យនៅប្រទេសជប៉ុនបាននិយាយថា ចេកវៀតណាមពិតជាឆ្ងាញ់ណាស់។ នេះប្រាកដជាជំរើសជាប្រចាំរបស់ប្រជាជនជប៉ុន។
    |
 |
|
ការណែនាំអំពីចេកវៀតណាមជាមួយអ្នកយកព័ត៌មានជប៉ុន (រូបថត៖ vnanet.vn) |
លោក Soichi Okazaki សមាជិកគណៈប្រតិបត្តិនៃក្រុមហ៊ុន AEON ដែលជាក្រុមហ៊ុនបានរៀបចំសប្តាហ៍ទំនិញវៀតណាម បានមានប្រសាសន៍ថា៖ ដោយមានតម្លៃប្រកួតប្រជែង និងគុណភាពល្អ ចេកវៀតណាមមានសមត្ថភាពប្រកួតប្រជែងជាមួយផលិតផលស្រដៀងគ្នាផ្សេងទៀតនៅលើទីផ្សារជប៉ុន។
ក្រៅពីចេក ក្រុមហ៊ុន AEON គ្រោងនឹងនាំចូលផ្លែមៀនពីប្រទេសវៀតណាមមកលក់នៅផ្សារទំនើបរបស់ខ្លួននៅប្រទេសជប៉ុន៕
បកប្រែដោយ Duy Hoan