ផ្សព្វផ្សាយផ្លែគូលែនស្រស់របស់វៀតណាមនៅប្រទេសហូឡង់
កប.អនឡាញ - កម្មវិធី “Vietnam fresh golden lychees – Taste it, love it” បានធ្វើឡើងនៅទីក្រុង Spijkenisse នៃប្រទេសហូឡង់ នៅថ្ងៃទី ១៩ ខែមិថុនា ដែលរៀបចំឡើងដោយការិយាល័យពាណិជ្ជកម្មវៀតណាមនៅហូឡង់ សហការជាមួយក្រុមហ៊ុន LTP Import Export BV និងផ្សារទំនើប Thanh Hung។ ភ្ញៀវដែលអញ្ជើញមកសាកពិសាផ្លែគូលែនគឺជនជាតិហូឡង់ ថៃ ឥណ្ឌូនេស៊ី វៀតណាម ដែលរស់នៅទីក្រុង Spijkenisse ភាគខាងត្បូងហូឡង់។
តំណាងផ្សារទំនើប Thanh Hung បានឲ្យដឹងថា ក្នុងបរិបទដែលក្រសួង ស្ថាប័ន មូលដ្ឋាន និងសហគ្រាសក្នុងប្រទេសកំពុងខិតខំប្រឹងប្រែងយ៉ាងខ្លាំងដើម្បីនាំយកផ្លែគូលែនរបស់វៀតណាមដែលមានគុណភាពខ្ពស់ទៅកាន់ពិភពលោកនោះ ផ្សារទំនើបនេះក៏ចង់ក្លាយជាស្ពានតភ្ជាប់ពាណិជ្ជកម្មលើមុខទំនិញនេះនៅក្នុងប្រទេសហូឡង់ផងដែរ។
|
|
សកម្មភាពផ្សព្វផ្សាយផ្លែគូលែនស្រស់របស់វៀតណាមនៅប្រទេសហូឡង់នៅថ្ងៃទី ១៩ ខែមិថុនា (រូបថត៖ vov.vn) |
ផ្សារទំនើប Thanh Hung បាននាំចូលផ្លៃគូលែនជិតមួយតោន ដែលជាផ្លែគូលែននៅស្រុក Thanh Ha (ខេត្ត Hai Duong ភាគខាងជើងវៀតណាម) កាលពីថ្ងៃទី ១៧ ខែមិថុនា ដើម្បីចែកចាយទៅកាន់ផ្សារទំនើបអាស៊ីនានានៅប្រទេសហូឡង់ បារាំង អាល្លឺម៉ង់ និងន័រវែស។ ពីរថ្ងៃមុននេះ ផលិតផលគំរូត្រូវបានបញ្ជូនទៅផ្សារទំនើបអាស៊ីទាំងអស់ក្នុងប្រទេសហូឡង់ដើម្បីអតិថិជនមកសាកពិសា និងទទួលបានការគាំទ្រយ៉ាងខ្លាំងពីម្ចាស់ផ្សារទំនើប។
ការបញ្ជាទិញផ្លែគូលែនពី ១ រយគីឡូក្រាមទៅ ១ តោនគីឡូក្រាម ពីផ្សារទំនើបនិមួយៗនៃប្រទេសហូឡង់ បារាំង អាល្លឺម៉ង់ និងន័រវែស នោះបានលើកទឹកចិត្តដល់សហគ្រាសនាំចូលឲ្យបន្តនាំយកផ្លែគូលែនស្រស់នៃខេត្ត Hai Duong និងខេត្ត Bac Giang មកប្រទេសហូឡង់ក្នុងរយៈពេល ១ ឬ ២ សប្តាហ៍ខាងមុខ តាមផ្លូវអាកាស៕
បកប្រែដោយ Duy Hoan