ទីក្រុងហូជីមិញទាក់ទាញទុនវិនិយោគផ្ទាល់ពីបរទេសជាង ១.៣៤ ពាន់លានដុល្លារអាមេរិក
កប.អនឡាញ - នារសៀលថ្ងៃទី ៣១ ឧសភា នាយកដ្ឋានស្ថិតិទីក្រុងហូជីមិញ បានឲ្យដឹងថា ក្នុងរយៈពេល ៥ ខែដើមឆ្នាំ២០២១ ទុនវិនិយោគផ្ទាល់ពីបរទេស (FDI) ចូលមកទីក្រុងទទួលបានជាង ១.៣៤ ពាន់លានដុល្លារអាមេរិក។
ក្នុងនោះ គម្រោងថ្មីចំនួន ១៨៧ គម្រោងដោយមានដើមទុនចុះបញ្ជីទទួលបានជិត ៣៧៩ លានដុល្លារអាមេរិក ដែលផ្តោតលើវិស័យពាណិជ្ជកម្មនិងអាជីវកម្មអចលនទ្រព្យ ហើយមានគម្រោងចំនួន៤២ បានបន្ថែមដើមទុនវិនិយោគ ៤១៦ លានដុល្លារអាមេរិក។ ទន្ទឹមនឹងនោះ ទីក្រុងបានផ្ដល់អាជ្ញាប័ណឲ្យសហគ្រាសចំនួន ១៤,៥៤៣ ដោយមានដើមទុនចុះបញ្ជីជិត ២៤៥,៦០០ ពាន់លានដុង៕
បកប្រែដោយ Thuy Anh