ការនាំចេញរបស់វៀតណាមកើនឡើង ៣០.៧% ក្នុងរយៈពេល ៥ ខែដើមឆ្នាំ ២០២១
កប.អនឡាញ - នាព្រឹកថ្ងៃទី២៩ ឧសភា អគ្គនាយកដ្ឋានស្ថិតិវៀតណាមទើបតែប្រកាសថា ក្នុងរយៈពេល ៥ ខែដើមឆ្នាំ២០២១ ការនាំចេញទំនិញទទួលបាន ១៣០ ពាន់លានដុល្លារអាមេរិក កើនឡើង ៣០.៧% បើធៀបនឹងរយៈពេលដូចគ្នានៅឆ្នាំមុន។
ក្នុងនោះ ផ្នែកសេដ្ឋកិច្ចក្នុងប្រទេសទទួលបានជាង ៣៣ ពាន់លានដុល្លារអាមេរិក ហើយវិស័យមានទុនវិនិយោគពីបរទេសទទួលបានជិត ៩៨ ពាន់លានដុល្លារអាមេរិក។ នាខែឧសភា ការនាំចេញទំនិញទទួលបាន ២៦ ពាន់លានដុល្លារអាមេរិក កើនឡើង ៣៥.៦% បើធៀបនឹងរយៈពេលដូចគ្នានៅឆ្នាំមុន។
ក្នុងរយៈពេល ៥ ខែដើមឆ្នាំ២០២១ អាមេរិកគឺជាទីផ្សារនាំចេញធំជាងគេរបស់វៀតណាម។ បន្ទាប់គឺប្រទេសចិន សហភាពអឺរ៉ុប (EU) សមាគមប្រជាជាតិអាស៊ីអាគ្នេយ៍ (អាស៊ាន) កូរ៉េខាងត្បូង និងជប៉ុន៕
បកប្រែដោយ Thuy Anh