នៅក្នុងជំនួប លោកស្រី Nguyen Thi Hoang អនុប្រធានគណៈកម្មាធិការប្រជាជនខេត្ត Dong Nai បានឲ្យដឹងថា ៖ ខេត្ត Dong Nai ជាខេត្ដមួយក្នុងចំណោមខេត្តឈានមុខគេក្នុងការអភិវឌ្ឍន៍ឧស្សាហកម្ម។ បច្ចុប្បន្ននេះ ខេត្តមានមណ្ឌលឧស្សាហកម្មចំនួន ៣២ ត្រូវបានបង្កើតឡើងដែលទាក់ទាញគម្រោងចំនួន ១.៥៣៣ របស់សហគ្រាសមានទុនវិនិយោគផ្ទាល់ពីបរទេស មកពីប្រទេស និងតំបន់ដែនដី ៤៥ ដោយមានដើមទុនចុះបញ្ជីប្រមាណ ៣១,៨ ពាន់លានដុល្លារអាមេរិក ដែលក្នុងនោះមានគម្រោង ចំនួន ៣ គម្រោងរបស់អាជីវកម្មហ្វាំងឡង់ដោយមានដើមទុនសរុប ៣.៥ លានដុល្លារអាមេរិក…
លោក Kari Kahiluoto បានវាយតម្លៃខ្ពស់ចំពោះសក្តានុពលរបស់ខេត្ដ Dong Nai ជាពិសេសលើវិស័យឧស្សាហកម្ម និងហេដ្ឋារចនាសម្ព័ន្ធបច្ចេកទេស និងគម្រោងអាកាសយានដ្ឋានអន្តរជាតិ Long Thanh។ អាជីវកម្មហ្វាំងឡង់មានបំណងចង់វិនិយោគនៅខេត្ដ Dong Nai លើវិស័យនានាដូចជា៖ ផ្លូវល្បឿនលឿន ថាមពលកំដៅ និងការដោះស្រាយកាកសំណល់។ ទន្ទឹមនឹងនេះហ្វាំងឡង់បានត្រៀមខ្លួនជាស្រេចក្នុងការជួយគាំទ្រដើមទុនដើម្បីសហប្រតិបត្តិការអនុវត្តគម្រោងនានាដែលភាគីទាំងពីរមានការយកចិត្ដទុកដាក់ដូចគ្នា៕
បកប្រែដោយ Pham Diep
Type the code from the image