សហគ្រាសធុនតូច និងមធ្យមរបស់ឥណ្ឌា និងវៀតណាមស្វែងរកឱកាសសហប្រតិបត្តិការ

ថ្លែងនៅក្នុងសិក្ខាសាលា ឯកអគ្គរដ្ឋទូតវៀតណាមប្រចាំឥណ្ឌាលោក Pham Sanh Chau បានមានប្រសាសន៍ថា វៀតណាមមានឧត្តមភាពសំខាន់លើការវិនិយោគ ដូចជាស្ថានភាពនយោបាយសង្គមមានស្ថិរភាព ថ្លៃដើមពលកម្មទាប និងការកែទម្រង់នានារបស់រដ្ឋាភិបាល និងមូលដ្ឋានដើម្បីបង្កើតលក្ខខណ្ឌអំណោយផលសម្រាប់វិនិយោគិន។

ទិដ្ឋភាពនៃសិក្ខាសាលាតាមប្រព័ន្ធវីដេអូ (រូបថត៖ vov.vn)

ទន្ទឹមនឹងនោះ ប្រទេសវៀតណាមក៏ទទួលបានអត្ថប្រយោជន៍ពីការចូលរួមរបស់ខ្លួននៅក្នុងបណ្តាញកិច្ចព្រមព្រៀងពាណិជ្ជកម្មសេរី (FTA) ដែលអាចសហប្រតិបត្តិការជាមួយដៃគូសេដ្ឋកិច្ចសំខាន់ៗជាច្រើន។ ក្នុងបរិបទនោះ ការដោះប្តូរពាណិជ្ជកម្មរវាងវៀតណាម និងឥណ្ឌានៅតែទទួលបានលទ្ធផលជាវិជ្ជមាន ដោយសម្រេចបានជិត ១០ ពាន់លានដុល្លារអាមេរិក បើយោងតាមទិន្នន័យពីគយវៀតណាម។

ប្រធានសមាគមឧស្សាហកម្មឥណ្ឌា លោក Pankaj Gupta (រូបថត៖ vov.vn)

ប្រធានសមាគមឧស្សាហកម្មឥណ្ឌា លោក Pankaj Gupta បានមានប្រសាសន៍ថា សហគមន៍អង្គភាពអាជីវកម្មវៀតណាម និងឥណ្ឌាមានភាពស្រដៀងគ្នាជាច្រើន ដែលមានឱកាសជាច្រើនដើម្បីសហប្រតិបត្តិការ និងទាញយកផលប្រយោជន៍ពីគ្នាទៅវិញទៅមក។ លោកបានអះអាងថា ដៃគូឥណ្ឌាមានគោលបំណងចង់បង្កើតសមាគមមួយ ដើម្បីរួមជាមួយវៀតណាមជំរុញកិច្ចសហប្រតិបត្តិការ ពាណិជ្ជកម្ម និងការវិនិយោគឲ្យកាន់តែមានប្រសិទ្ធភាព៕

បកប្រែដោយ Huyen Trang