កិច្ចព្រមព្រៀង EVFTA ជាកម្លាំងចលករដ៏សំខាន់ក្នុងការជំរុញទំនាក់ទំនងពាណិជ្ជកម្មអាល្លឺម៉ង់ - វៀតណាម
កប.អនឡាញ - នាថ្ងៃទី ១២ មករា គេហទំព័ររបស់ក្រសួងសេដ្ឋកិច្ច និងថាមពលសហព័ន្ធអាល្លឺម៉ង់ (BMWI) បានចុះផ្សាយព័ត៌មានអំពីសម័យប្រជុំលើកទីមួយនៃគណៈកម្មាធិការចម្រុះស្តីពីកិច្ចសហប្រតិបត្តិការសេដ្ឋកិច្ចវៀតណាម - អាល្លឺម៉ង់ ដែលបានប្រព្រឹត្តទៅនាថ្ងៃដដែលតាមរយៈប្រព័ន្ធវីដេអូ ក្រោមការដឹកនាំរបស់លោករដ្ឋមន្ត្រី Peter Altmaier និងរដ្ឋមន្រ្តីក្រសួងឧស្សាហកម្ម និងពាណិជ្ជកម្មវៀតណាម លោក Tran Tuan Anh ។
    |
 |
|
លោករដ្ឋមន្ត្រី Tran Tuan Anh និងឯកអគ្គរដ្ឋទូតអាល្លឺម៉ង់ប្រចាំនៅវៀតណាម លោក Guido Hildner បានចុះហត្ថលេខាលើកំណត់ហេតុនៃកិច្ចសហប្រតិបត្តិការនាពេលខាងមុខ (រូបថត៖ vnanet.vn) |
អត្ថបទបានដកស្រង់សម្តីលោករដ្ឋមន្ដ្រី Peter Altmaier បានអះអាងថា កិច្ចព្រមព្រៀងពាណិជ្ជកម្មសេរីរវាងសហភាពអឺរ៉ុប និងវៀតណាម (EVFTA) ចូលជាធរមានកាលពីខែសីហា ឆ្នាំ២០២០ បានបង្កើតកម្លាំងចលករដ៏សំខាន់មួយសម្រាប់ការពង្រឹងទំនាក់ទំនងពាណិជ្ជកម្មរវាងប្រទេសទាំងពីរ។
យោងតាមក្រសួងសេដ្ឋកិច្ច និងថាមពលសហព័ន្ធអាល្លឺម៉ង់ បានឲ្យដឹងថា ការចាប់អារម្មណ៍របស់សហគ្រាសអាល្លឺម៉ង់ ក្នុងការបង្កើនកិច្ចសហប្រតិបត្តិការជាមួយវៀតណាមដែលត្រូវបានបង្ហាញតាមរយៈសមាសភាពចូលរួមសម័យប្រជុំ ដែលក្នុងនោះរួមមានថ្នាក់ដឹកនាំសមាគម និងសហគ្រាសជាច្រើនដូចជា ប្រធានគណៈកម្មាធិការវៀតណាមនៃសមាគមធុរកិច្ចអាល្លឺម៉ង់នៅតំបន់អាស៊ី - ប៉ាស៊ីហ្វិក (OAV) សមាជិកនៃគណៈដឹកនាំសម្ព័ន្ធក្រុមហ៊ុន Schaeffler Group លោក Andreas Schick; ប្រធានគណៈកម្មការសេដ្ឋកិច្ចតំបន់អាស៊ី - ប៉ាស៊ីហ្វិក របស់សហព័ន្ធអាល្លឺម៉ង់ និងប្រធានសម្ព័ន្ធក្រុមហ៊ុន Siemens Group លោក Joe Kaeser ។
នាថ្ងៃដដែល គេហទំព័រព័ត៌មានហិរញ្ញវត្ថុអាល្លឺម៉ង់ finanzen.net ក៏បានចុះផ្សាយព័ត៌មានស្ដីពីការពង្រឹងទំនាក់ទំនងសេដ្ឋកិច្ចរវាងប្រទេសទាំងពីរអាល្លឺម៉ង់និងវៀតណាម។ អត្ថបទបានឲ្យដឹងថា កិច្ចព្រមព្រៀង EVFTA នឹងជួយបង្កើនទំហំពាណិជ្ជកម្មទ្វេភាគី ក៏ដូចជាការមានវត្តមានរបស់បណ្តាក្រុមហ៊ុនអាល្លឺម៉ង់នៅប្រទេសវៀតណាម បច្ចុប្បន្ននេះមានសហគ្រាសអាល្លឺម៉ុងជាង ៣៥០ កំពុងប្រតិបត្តិការនៅវៀតណាម៕
បកប្រែដោយ Pham Diep